Kassa cheklari salomatlik uchun xavfli

  • 11:41 / 29.01.2019
  • 3751

Kundalik turmushda har kuni yuzma-yuz kelinadigan ayrim narsalar jiddiy xavfga ega. Termoqog‘ozlarga bosiladigan cheklar ham ana shunday ekanligi aniqlandi. Termoqog‘ozning o‘ziga xosligi shundaki, u qiziganida o‘z rangini o‘zgartiradi. U nafaqat do‘konlar, balki bankomatlarda ham qo‘llaniladi.

Bunday qog‘ozni ishlab chiqarishda plastmassaning keng tarqalgan tarkibiy qismi bisfenol A (BPA)dan foydalaniladi. Bu modda xavfli hisoblanadi: organizmga tushganida bisfenol A saratonning turli shakllari, gormonal buzilishlar va organizm bilan bog‘liq boshqa muammolar yuzaga kelishiga sabab bo‘ladi.

Xalqaro olimlar guruhi Ispaniya, Fransiya va Braziliya do‘konlarida olingan cheklarni tadqiq etishga qaror qildi. Ularning qo‘lida yuzdan ortiq namunalar bor edi. Natijada Braziliya va Ispaniyadagi cheklarning 90 foizi tarkibida bisfenol A mavjudligi aniqlandi. Fransuz cheklarining ushbu modda qo‘shilgan ulushi ozroq bo‘lib chiqdi, biroq u yerda xavfi biroz kamroq bo‘lgan bisfenol S mavjud edi. Olimlar bu modda salomatlik uchun xavfsiz emasligini ta'kidlashmoqda.

Ushbu ma'lumotlarni tahlil qilib, mualliflar do‘konlardan olingan cheklar oziq-ovqat mahsulotlari yonida saqlanmasligi, tashlab yuborilishidan avval g‘ijimlash va yirtish mumkin emasligi, chunki qo‘llarda BPA’ga ega bo‘lgan mayda chang qolishini qayd etishmoqda. Bundan tashqari, mualliflar cheklarga rasm solish, shuningdek ularni hamyon, sumka va mashinalar bardachoklarida saqlamaslikni maslahat berishmoqda.

Teglar