Kayfiyatni chetga surib ishga kirishing

  • 07:02 / 13.03.2015
  • 5330

Kunlarimizga biroz intilish va ishtiyoq qo‘shamiz. Biror unumli ish qilaman degan odamga kayfiyat hamisha ham foyda keltiravermaydi. Masalan:

  • Siz kitob yozmoqchisiz va buni har kun ertalab qilishni rejalashtirdingiz. Biroq o‘sha aytilgan vaqt kelganida siz yoqtirgan saytlaringizga kirishni istab qolasiz. Natijada yozgingiz kelmay qoladi. Shunday qilib kitob yozishni ortga surasiz.
  • Bugun mashg‘ulotga aniq borishni o‘yladingiz, ammo borish vaqti kelganda o‘zingizni birdaniga charchagandek his qilasiz. O‘ylab turib, uni erta bajarishga qaror qilasiz.
  • O‘zingiz uchun tuzgan ovqatlanish tartibini buzib, kunning ikkinchi qismida qandaydir foydasiz yegulikni (chips yoki pechene) iste'mol qilasiz. Sabzavot yeyishni esa xushlamaysiz. Ularni, albatta, qovrilgan, yog‘li, shirin yoki achchiq holda iste'mol qilishni istaysiz. 

Kayfiyatimizga rejalarimizni buzib, kundalik tartibimizga ta'sir ko‘rsatishiga imkon yaratib beramiz: ishni ortga cho‘zamiz, mashg‘ulotlarni qilmay qo‘yamiz, tartibsiz bo‘lib qolamiz, noto‘g‘ri ovqatlanib salbiy odatlarga o‘rganib qolamiz. Tugallanmagan vazifalar, dangasalik va o‘z-o‘zingizni muhokama qilish sizning eng yaqin “lan'atlangan do‘stlar”ingizga aylanadi.

Xo‘sh, bu vaziyatdan qanday qilib chiqib ketish mumkin? Shunday dono yo‘lni tanlangki, bajarayotgan har bir ishingizning natijasi o‘zingiz kutgandek bo‘lsin yoki hech bo‘lmaganda boshqalarga foydali bo‘lsin. Ish uchun o‘zingizni oldindan tayyorlang va hech qanday kayfiyatga berilmang. 

Oldingizga qo‘ygan vazifani bajarish payti kelganda, “Xohlamayman”, deya ko‘rmang. Uning o‘rniga quyidagi gaplarni ayting:

  1. Bu mening rejam, men uni bajarishim shart.
  2. Boshladimmi, uni yakunlaganimda, albatta, xursand bo‘laman. Faqat birinchi qadamni tashlasam bo‘lgani.
  3. O‘ylab rejalashtirib o‘tirishim kerak emas. Qaror qabul qilib bo‘lingan.
  4. Bu o‘zim sevadigan ish.
  5. Men buni boshqalar uchun namuna bo‘lsin deb va dunyoni yaxshi tomonga o‘zgartirish maqsadida qilyapman.
  6. Kel, dangasalik qopqoniga tushmaylik.
  7. Vaqt keldi, ishni maromiga yetkazib bajaramiz. 

Eng yaxshi yozuvchilar, mahoratli sportchilar va omadli tadbirkorlar o‘z ishini kayfiyatiga qarab emas, balki u o‘zlariga yoqqani uchun qilishgan. Ular har kuni sevimli ishlarini qilishgan. Xullas biz ham xuddi shunday qilishimiz kerak: ish rejamizni tuzib, unga amal qilishimiz, ularga belgilangan vaqtdayoq kirishishimiz zarur. Natijada siz olamshumul ishlar qila boshlaysiz, o‘zingiz kutgandan ko‘ra ko‘proq vazifalarni bajarib, tezkor bo‘lasiz. Sizga faqat bir “mo‘jizaviy harakat” kerak va hammasi ijobiy tomonga o‘zgara boshlaydi.

O‘qishni tavsiya etamiz: 

Baxtli odamlarning 21 odati

O‘rtahol va boy odamlar orasidagi 10 ta farq

Yoshi o‘ttizdan oshganlar uchun maslahatlar

Bu illatlardan tezroq qutulish darkor

Qush inida ko‘rganini qiladi (Video)