Ижтимоий тармоқларда қизлар ўзаро жанжаллашаётгани акс этган видео лавҳа тарқалди. Ҳолат юзасидан Қорақалпоғистон ИИВ расмий маълумот берди.

Қайд этилишича, ушбу ҳодиса жорий йилнинг 10 август куни соат 17:00 ларда Элликқалъа тумани Марказий деҳқон бозори яқинида юз берган.

Туманнинг Қ.Нурумбетов кўчасида яшовчи 20 ёшли Б.З. А.Темур кўчасида яшовчи 17 ёшли Ш.Л. билан жанжаллашган. Жанжалга икки қиз ўртасида келиб чиққан келишмовчилик сабаб бўлган. Б.З. низони мустақил равишда ҳал қилиш ниятида Ш.Л нинг кўплаб жойларига қўл ва оёқлари билан бир неча маротаба уриб, тепиб, қасддан безорилик жиноятини содир этган.

Мазкур ҳолат бўйича Элликқалъа туман ИИБ ҳузуридаги Тергов гуруҳи томонидан, терговга қадар суриштирув ишлари олиб борилмоқда.

• ИИВ
• Қорақалпоғистон
• Самосуд