Ўзбекистон журналистика ва оммавий коммуникациялар университетида талаба ректорга салом бермаганликда айбланиб калтаклангани ҳақида хабарлар тарқалди.

Университет маъмурияти ушбу хабар юзасидан расмий баёнот берди. Унда қайд этилишича, университет ташкил этилганидан буён бу каби ҳолатлар ЎзЖОКУда кузатилмаган ва университет жамоаси, айниқса, ректори томонидан талабаларга нисбатан ҳар қандай салбий муносабат доим қораланади.

«Биз университет жамоаси билан юқоридаги каби вазиятларга қарши эканимизни билдириб, ҳолат бўйича яқин соатларда аниқ маълумотлар берилишини маълум қиламиз», – дейилади олийгоҳ маъмурияти берган баёнотда.

Бундан ташқари, университет ректори Шерзодхон Қудратхўжа ҳам ижтимоий тармоқда овозли хабар орқали бўлиб ўтган вазият бўйича тушунтириш берган.

• Журналистика
• Олий таълим
• Университет
• rasmiy munosabat