Гулистон шаҳрида давом этаётган Наврўз тантаналарида вилоят ҳокими вазифасини бажарувчи Акмалжон Махмудалиев вилоят аҳлини айём билан табриклади.

Шунингдек, футбол бўйича U-20 Осиё Кубоги ғолиби, чемпионатнинг «Энг яхши футболчиси» сирдарёлик Аббос Файзуллаевнинг ота-онасига вилоят аҳли номидан «Умра» сафарига йўлланма совға қилди.

Қайд этиш мумкин, жорий йилнинг 1–18 март кунлари юртимиз майдонларида бўлиб ўтган футбол бўйича U-20 Осиё чемпионатида Ўзбекистон терма жамоаси ғолибликни қўлга киритди. Финал баҳсида Равшан Ҳайдаров шогирдлари Ироқ терма жамоасини 1:0 ҳисобида мағлуб этди.

Аббос Файзуллаев чемпионатнинг «Энг яхши футболчиси» деб топилди. Ғолибларга совға сифатида 33 та «Gentra» автомобиллари топширилди.

• Футбол
• Сирдарё
• U-20
• Умра