Ёшлар ўртасидаги (U20) Осиё кубогида ғолиб бўлган Ўзбекистон терма жамоаси аъзоларига автомобиль совға қилинади.

Бугун, 20 март куни “Бунёдкор” стадионига “Gentra Lacetti” русумли янги автомобиллар келтирилган. Қайд этилишича, улар Президент совғаси сифатида Осиё чемпионларига топширилиши кутилмоқда.

Ўзбекистон футбол ассоциацияси матбуот хизмати хабарига кўра, бугун соат 11:00 да “Бунёдкор” стадионида U20 Осиё кубогида чемпионликни қўлга киритган Ўзбекистон ёшлар терма жамоасини тақдирлаш маросими бўлиб ўтади.

Эслатиб ўтиш мумкин, Равшан Ҳайдаров мураббийлигидаги Ўзбекистон U20 жамоаси Осиё чемпионати финалида ироқлик тенгқурларини 1:0 ҳисобида мағлуб этди ва қитъа чемпионига айланди.

Футболчиларни қўллаб-қувватлаш учун стадионга ташриф буюрган Ўзбекистон Республикаси президенти Шавкат Мирзиёев бош совринни топширган эди.

• Футбол
• Ўзбекистон
• U-20