Чеченистон раҳбари Рамзан Қодиров ва унинг ота-онаси Ахмат ва Аймани Қодировлар республикада хизмат кўрсатган ҳуқуқ ҳимоячилари деб эълон қилинди.

Омбудсман Қодировларнинг “инсон ҳуқуқларини таъминлаш, давлатчиликни мустаҳкамлаш, фуқароларнинг ижтимоий-иқтисодий ҳуқуқларини рўёбга чиқариш, ҳар бир инсон ва жамият фаровонлигини ошириш учун шарт-шароит яратишга қўшган улкан ҳиссаси, шунингдек, кенг кўламли инсонпарварлик ёрдами”ни алоҳида таъкидлаган.

Эслатиб ўтамиз, аввалроқ Рамзан Қодировнинг тўнғич қизи, Чеченистон маданият вазири лавозимини эгаллаб турган 22 ёшли Айшат  “Республикада хизмат кўрсатган маданият ходими” унвони ва “Инсон ҳуқуқларини ҳимоя қилгани учун” медали билан тақдирланган эди. 

Декабр ойида республикада чечен мухолифатчилари ва Рамзан Қодировни хориждан очиқ танқид қилган блогерларнинг қариндошлари ўғирлаб кетилгани ҳақида бир неча ўнлаб ҳолатлар аниқланган.