Шимолий Корея раҳбари йил якунига бағишланган партия пленумида мамлакатдаги озиқ-овқат танқислиги ҳақида тўхталди.

Ким Чен Ин ҳокимиятнинг 10 йиллигини сарҳисоб қилган нутқида ядро қуроли ва Қўшма Штатлардан кўра кўпроқ қишлоқ хўжалиги ҳосилдорлигини ошириш, трактор заводлари ва мактаб формалари муҳимлигини айтиб ўтган.

“Шимолий Кореянинг 2022 йилга мўлжалланган асосий мақсадлари иқтисодий ривожланишни зудлик билан бошлаш ва одамларнинг ҳаётини яхшилаш бўлади. Чунки мамлакат “катта ҳаёт-мамот кураши” олдида турибди”, – деди Ким.

Шимолий Корея раҳбари озиқ-овқат танқислиги борасида аниқ маълумотларни очиқламаган бўлса-да, Жаҳон Озиқ-овқат ташкилоти 2021 йилдаги жиддий хавфдан огоҳлантирган ҳолда мамлакатда юз минглаб тонна гуруч етишмаслигини қўшимча қилиб ўтган.

Ушбу муаммо мамлакат ичидаги бир нечта унумдор шоли етиштирувчи майдонлари жиддий сув тошқинларида қолгани сабабли янада мураккаблашган.

Бу президент Кимнинг охирги 12 ой ичида озиқ-овқат танқислиги ҳақидаги биринчи чиқиши эмас. Масалан, апрель ойида Шимолий Корея раҳбари олий даражадаги сиёсий учрашувлар вақтида аҳолини навбатдаги “Машаққатли март ойи”ни сабр билан ўтказишга чақирган.

Июн ойида эса Ким Чен Ин 2020 йилдаги сув тошқинлар туфайли мамлакат кескин озиқ-овқат танқислигига учраганини таъкидлаган эди.

• Хориж