Миллиардер Илон Маскнинг электромобил ишлаб чиқарувчи Tesla компанияси 2021 йилнинг тўртинчи чорагида электромобил етказиб бериш бўйича рекорд ўрнатди. Натижа таҳлилчилар кутганидан сезиларли даражада ошиб кетган.

Маълум бўлишича,Tesla тўртинчи чоракда 308 600 та, бутун йил давомида 936 172 та электромобил етказиб берган. FactSet томонидан тузилган консенсус прогнозига кўра, Wall Street таҳлилчилари Тесла тўртинчи чоракда 267 000 дона ва 2021 йил давомида 897 000 дона етказиб беришини кутган. Ҳисобот даврида Tesla жами 305 840 дона тўлиқ электромобил ишлаб чиқарган. 

Тўлиқ йил давомида жўнатмалар 2020 йилга нисбатан 87 фоизга ошган. Кейинчалик Илон Маскнинг компанияси 499 647 дона автомобил етказиб берилганидан ўзининг биринчи йиллик даромадини маълум қилди. 2021 йилнинг учинчи чорагида транспорт воситаларини етказиб бериш ҳажми 241 300 тага етди, бу Tesla тарихидаги энг яхши чорак ҳисобланади.

Model S flagman sedani ва Model X йўлтанламасини етказиб бериш Tesla'нинг 2021 йилдаги жами жўнатмаларининг 3 фоиздан сал камроғини ташкил этган. Model 3 ва Model Y етказиб бериш 2021 йилнинг тўртинчи чорагида 296 850 тани, бутун йил давомида 911 208 тани ташкил этганлиги қайд этилган.

• Электромобил
• Ilon_Mask
• Tesla