Самарқандлик тадбиркор 1984 йилда туғилган Ф.А. Тошкент шаҳар Бектемир туманида жойлашган “Қўйлиқ” бозорига келиб, хўл мева маҳсулотларини сотиб олиб, Самарқанд вилоятига юбориш мақсадида келган вақтда, унинг олдига “Феруз”, “Наврўз”, “Исмоил” ва “Исроил” исмли шахслар келиб, ўзганинг мулкини очиқдан-очиқ талон-тарож қилиш ниятида ундан 400 АҚШ доллари миқдорида бўлган пулларини олиб қўйиб, воқеа жойидан яширинганлар.

ИИВ ЖҚББ Уюшган жиноятчиликка қарши кураш бўлими ходимлари томонидан олиб борилган тезкор қидирув ишлари натижасида мазкур жиноятни содир этганликда айбланиб, Тошкент шаҳар Миробод тумани Қўйлиқ мавзесида яшовчилар – 1984 йилда туғилган Х.И., 1986 йилда туғилган Х.Ф. ҳамда 1978 йилда туғилган Х.И.лар қўлга олинган.

Ушланган шахслар билан олиб борилган терговолди суриштирув ишлар натижасида, улар Ф.А.ни 7-8 йилдан бери танишини, аризачи улардан доимий равишда мева олиб кетиб, 4 миллион сўм миқдорида қарз бўлиб, 2 йилдан бери бермасдан қочиб юрганлиги, сўнг шу йилнинг 14 ноябрь куни соат 10:00 да аризачини кўриб қолганларида, у билан низолашиб, ёнида бўлган 400 АҚШ доллар миқдоридаги пулларини олиб қўйишганлигини билдирган.

Ҳозирда мазкур ҳолат бўйича ҳужжатлар тўпланиб, Бектемир тумани ИИО ФМБга топширилди.