Президентнинг тегишли фармони билан 2022 йил 1 январдан айрим давлат хизматларини кўрсатишда ундириладиган давлат божлари, йиғимлар ва бошқа тўловлар миқдорлари камайтирилади.

Унга кўра, 2022 йил 1 январдан кўрсатилиши учун ундириладиган давлат божлари, йиғимлар ва бошқа тўловлар миқдори камайтириладиган давлат хизматлари: 

– Адвокатлик бюроларини, адвокатлик фирмаларини ва адвокатлар ҳайъатларини давлат рўйхатидан ўтказиш – БҲМнинг 1 баравари (аввал БҲМнинг 2 баравари);

– Хўжалик юритувчи субъектларнинг устав фондидаги (устав капиталидаги) акцияларни (улушларни) олишга доир битимларга олдиндан розилик бериш – БҲМнинг 7 баравари (аввал БҲМнинг 10 баравари);

– Хўжалик юритувчи субъектларни қўшиб юбориш ва қўшиб олишга доир битимларга олдиндан розилик бериш –БҲМнинг 7 баравари (аввал БҲМнинг 10 баравари);

– Ўзбекистон Республикасининг фуқароларига хорижга чиқиш учун биометрик паспорт бериш – БҲМнинг 1 баравари (аввал БҲМнинг 1,2 баравари);

– Ўзбекистон Республикаси фуқароларига, чет эллик фуқароларга ва фуқаролиги бўлмаган шахсларга Ўзбекистон Республикасига таклиф қилиш тўғрисидаги ҳужжатларни бериш – БҲМнинг 5 фоизи (аввал БҲМнинг 10 фоизи);

– Хусусий бандлик агентликлари реестрига киритиш – Бепул (аввал БҲМнинг 1 баравари);

– Тадбиркорлик субъектларига давлат рўйхатидан ўтказилганлиги тўғрисида янги намунадаги гувоҳнома бериш – БҲМнинг 1 баравари (аввал БҲМнинг 20 фоизи);

– Ўзбекистон Республикасининг тегишли дипломатик ваколатхоналари ва консуллик муассасалари томонидан амалга оширилган нотариал ҳаракатлар учун ундириладиган герб бланкаси учун йиғим – Бепул (аввал 5 АҚШ доллари).

• Ўзбекистон
• Паспорт