“Тошшаҳартрансхизмат” акциядорлик жамияти Ахборот хизматининг маълумотига кўра, жорий йилнинг 1 февраль куни Жамиятга “Yutong Bus Со., Ltd” компаниясида ишлаб чиқарилган экологик тоза, ҳар томонлама қулай ва замонавий бўлган “ZK6126BEVG” русумли 20 та электробус келтирилди.

Ушбу электробуслар тез кунларда йўналишларга  чиқарилиши режалаштирилган.

– Биз бунинг учун жуда узоқ вақт ҳаракат қилдик, - дейди “Тошшаҳартрансхизмат” бошқаруви раиси Анвар Жўраев. – Ҳозир эса дастлабки 20 та электроавтобус етиб келди. Уларнинг қайси йўналишда ҳаракатланиши ҳозирча номаълум. Бироқ уларнинг ҳаракатланиши учун энг мақбул йўналишларни аниқлаш ишлари бошлаб юборилган.

Маълумот учун, мазкур автобуслар ёрқин, эсда қоларли ташқи ҳамда ички кўриниш ва 360 от кучига эга. Автобус корпусининг рамкаси пўлат қувурлардан ясалган бўлиб, унинг қўллаб-қувватловчи тузилмаси Европа ва Россия хавфсизлик стандартларига жавоб беради ва тўқнашувлар пайтида йўловчилар ва автобуснинг ўзига етказилган зарарни минималлаштиради. Алюминий арклар, эшиклар ва люклардан фойдаланиш туфайли ишлаб чиқувчилар юқори конструкция хавфсизлигини сақлаб қолган ҳолда автобус кузовини енгиллаштиришга муваффақ бўлишган. https://t.me/Mintrans_uz/8659

• Тошкент
• Тошшаҳартранс