Аввалроқ, Қозоғистонда юз берган оммавий тартибсизликлардан сўнг 14 нафар Ўзбекистон фуқароси ҳибсда қолаётгани ҳақида хабар берган эдик. Ушбу ҳолат бўйича Ташқи ишлар вазирлиги маълумот берди.

Қайд этилишича, шу мазмундаги хабарлар Қозоғистоннинг инсон ҳуқуқлари бўйича омбудсмани Элвира Азимовага таяниб берилган.

Маълум қилинишича, ушбу хабарга ойдинлик киритиш учун Ўзбекистоннинг Нур-Султон шаҳридаги элчихонаси Қозоғистон Ташқи ишлар вазирлигига ҳибсга олинган Ўзбекистон фуқаролари, улар сақланаётган жойлар, жавобгарликка тортилиш сабаблари тўғрисида тўлиқ маълумот бериш ҳамда Ўзбекистоннинг Қозоғистондаги дипломатик ваколатхоналари ходимлари учун консуллик учрашувини ташкил этишни сўраб нота юборган.

“Ўзбекистоннинг Нур-Султон шаҳридаги элчихонаси, шунингдек, Олмаота ва Ақтау шаҳарларидаги бош консулхоналари Қозоғистон ҳуқуқ-тартибот идораларининг жойлардаги вакиллари билан доимий алоқада бўлиб турибди”, – дейилади хабарда.

• Ўзбекистон
• Қозоғистон