Ижтимоий тармоқларда Сурхондарё вилояти Сариосиё туманидаги Алишер Навоий маҳалласида яшовчи фуқаролар Тўпаланг дарёси қирғоғидан жуда кўп мис тангалар топиб олгани ҳақида маълумотлар тарқалган.

Маданий мерос инспекцияси ҳамда Маданий мерос агентлиги вакилларидан тузилган ишчи гуруҳ Сариосиё туманида олиб борган ўрганишлари натижасида бу маълумотни тасдиқлаган. Олимлар мазкур ашёлар ҳозиргача ватанимиз ҳудудидан топилган Мирзо Улуғбек ҳукмронлиги даврида зарб эттирилган пул тангаларининг энг катта ва яхши сақланган хазинаси эканлигини таъкидлашмоқда.

Шунингдек, Агентлик топилмалар маҳалла фуқаролар томонидан талон-тарож қилинаётгани боис мазкур ҳудуд муҳофазага олинганини маълум қилди. 9 мартдан бошлаб, Сариосиё тумани Тўпаланг дарёси ҳудудида илмий изланишлар олиб борилади.

• Маданий мерос
• Сурхондарё
• мис