15°
Кечаси 2°
Жорий йил 23 март куни Владимир Путин Россия газни “дўстона бўлмаган мамлакатлар”га етказиб бериш учун тўловларни рублга ўтказаётганини, Россия маҳсулотлари Европа Иттифоқи ва АҚШга етказиб бериш ва тўловни уларнинг валютасида олиш маъносиз эканини айтган эди.
Бугун, 28 март куни Германия Иқтисодиёт вазири Роберт Хабек матбуот анжумани чоғида “катта еттилик” давлатлари Россия гази учун рублда тўлаш талабларини қабул қилмаслигини маълум қилди.
Унинг таъкидлашича, “Катта еттилик” давлатлари турли сценарийларга, жумладан, Россия гази етказиб берилишининг тўхтатилишига ҳам тайёр.
Германия Иқтисодиёт вазири G7 давлатлари Россиядан газ етказиб беришнинг мумкин бўлган тўхтатилишига қандай муносабатда бўлиши ҳақидаги саволга қисқача қилиб: “биз барча сценарийларга тайёрмиз”, деб жавоб берган.
Унинг сўзларига кўра, бу масала G7 давлатлари иқтисод вазирларининг душанба куни бўлиб ўтган йиғилишида қисқача муҳокама қилинган. Жумладан, вазирлар Россия газига эмбарго қўйиш бўйича ҳам фикр алмашган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
