Ўзбекистонда  қорамол гўшти импорти қарийб 2 минг тонна ошди. Бу ҳақида Давлат статистика қўмитаси матбуот хизмати хабар берди.

Маълумотларга кўра, 2022 йилнинг дастлабки икки ойида Ўзбекистонга 7 та давлатдан қиймати 26,5 миллион долларга тенг бўлган 5,9 минг тонна қорамол гўшти импорт қилинган.

Таъкидланишича, 2022 йилнинг январ-феврал ойларида Ўзбекистон энг кўп қорамол гўштини импорт қилган давлатлар қуйидагилар бўлиб, умумий қорамол гўшти импорти ҳажмининг 93 фоизи айнан улар ҳиссасига тўғри келган: 

Беларус – 4 минг тонна;
Қозоғистон – 1,2 минг тонна;
Украина – 320 тонна.

Қорамол гўшти импорти 2021 йилнинг мос даври билан солиштирилганда қарийб 2 минг тоннага ошган.

• Гўшт
• статистика