Сирдарё вилоятининг Гулистон шаҳрида яшовчи Мақсуда Каримова оиласида 3 эгизак фарзанд дунёга келди.

Маълум бўлишича, 35 ёшли Мақсудахон бир муддат аввал Гулистон шаҳар тиббиёт бирлашмасининг акушерлик комплексига ётқизилган.

Бу ерда туғруқ жараёни маҳоратли шифокорлар назорати остида муваффақиятли амалга оширилган. Натижада бир йўла уч эгизак қизалоқ — Фотимахон 2,2 кг, Зуҳрахон 2,5 кг, Заҳрохон 2,2 кг вазн билан дунёга келган.

Келтирилишича, айни пайтда онанинг ҳам, чақалоқларнинг ҳам саломатлиги яхши. Тажрибали мутахассислар назорати остида парвариш жараёни давом эттирилмоқда.

Қайд этилишича, Мақсуда Каримова эгизаклардан ташқари яна 3 нафар фарзанднинг онаси ҳисобланади.

• SSV
• Сирдарё
• egizaklar