2023 йилда Тошкентда бўлиб ўтадиган эркаклар ўртасидаги жаҳон чемпионатига бугунгача бойкот қилинган мамлакатлар сони 12 тани ташкил этмоқда.
Аввалроқ, АҚШ, Польша, Швейцария, Нидерландия, Ирландия, Чехия, Швеция, Канада, Украина, Германия ва Норвегия Россия ва Беларус спортчилари иштирок этгани сабабли мусобақани бойкот эълон қилган эди.
Энди уларнинг қаторига Буюк Британия ҳам қўшилди.
Қайд этиш мумкин, ушбу мамлакат федерацияси Нью-Деҳли (Ҳиндистон)да бўлиб ўтган аёллар ўртасидаги 2023 йилги жаҳон чемпионатига ҳам бойкот қилган эди.
Ўз навбатида, мазкур мусобақада иштирок этиш учун 104 мамлакатдан ариза келиб тушган.
Эслатиб ўтамиз, жаҳон чемпионати 1–14 май кунлари пойтахтимиздаги «Humo Arena»да ўтказилади. Очилиш маросими 30 апрель куни бўлиб ўтади.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!