Аргентиналик рақобатчиларидан катта фарқ билан ўзиб кетган.

Лионел Месси L'Equipe нашри томонидан 2022 йилнинг энг яхши спортчиси деб топилди. 

35 ёшли ҳужумчи Аргентина терма жамоаси сафида жаҳон чемпиони бўлди, шунингдек, Қатардаги турнирнинг энг яхши футболчиси деб топилди.

Овоз беришда Мессининг ПСЖдаги шериги Килиан Мбаппе иккинчи ўринни эгаллади. Учинчи ўринда теннисчи Рафаел Надал. “Реал” ҳужумчиси Карим Бензема эса олтинчи ўринда.

Тўлиқ рўйхат қуйидагича:

1. Лионел Месси (футбол, 808 овоз)

2. Килиан Мбаппе (футбол, 381)

3. Рафаел Надал (теннис, 285)

4. Ремко Эвенепул (велоспорт 252)

5. Макс Ферстаппен (Формула 1, 196)

6. Карим Бензема (футбол, 195)

7. Арманд Дюплантис (енгил атлетика, 185)

8. Стивен Карри (баскетбол, 139)

9. Антуан Дюпон (регби, 105)

10. Давид Попович (сузиш, 98).