Кеча, 2 май санасида Тошкент мезбонлик қилаётган бокс бўйича Жаҳон чемпионатининг иккинчи кунги баҳслари ортда қолди. Кун доирасида 3 нафар ўзбекистонлик боксчи рингга кўтарилиб, уларнинг барчаси ғалабага эришди.

Дастлаб, -63,5 кг вазн тоифасида ҳаракат қиладиган Руслан Абдуллаев Пуэрто-Рико вакили Мануэл Фебусга қарши баҳс олиб бориб, 5:0 ҳисобида зафар қучди.

-86 кг вазн тоифасида эса Шоҳжаҳон Абдуллаев дастлабки босқичдаги жангини Қирғизистон вакили Эркин Адилбек Уулуга қарши жанг ўтказиб, ғалаба қозонди.

Шунингдек, -80 кг вазн тоифасида Жасурбек Йўлдошев жазоирлик Юнус Немоучига қарши рингга чиқди. Рақибига имкон қолдирмаган Жасурбек ғалаба билан кейинги босқичга йўл олди.

Ўз навбатида, бугун ЖЧнинг 3-кунида қуйидаги 2 нафар вакилимиз ўз жангларини ўтказади:

-71 кг: Саиджамшид Жафаров – Осорио Муханга (Мозамбик) (16:10 дан сўнг)

-60 кг: Мужибилло Турсунов – Мерри Кор (Гамбия) (18:25 дан сўнг)

• Бокс
• Жаҳон чемпионати
• Ўзбекистон