General Motors компанияси асосий эътиборини электр автомобилларига қаратиш нияти бўлгани учун жорий йил ноябрь ойидан Chevralet Malibu автомобилларини ишлаб чиқаришни тўхтатишини маълум қилди.
Компания бензинда ҳаракатланадиган Malibu автомобилларини ишлаб чиқаришни якунлайди.
Айни пайтда ушбу автомобиль ишлаб чиқарилаётган Fairfax заводи янги авлод Bolt электр хетчбеклари учун ихтисослаштирилади. Бундан ташқари, худди шу завод қисқа танаффусдан кейин Cadillac ХТ4 кроссоверини йиғишни яна давом эттиради. Bolt’дан фарқли ўлароқ, ХТ4 анъанавий бензинли двигателлар қаторини сақлаб қолади.
Эслатиб ўтамиз, 2012 йилнинг март ойидан бошлаб Ўзбекистонда ҳам Chevrolet Malibu автомобилини йиғиш бошланганди. Айни пайтда ушбу автомобиль UzAuto Motors томонидан 419 млн сўмдан харидорларга таклиф қилинмоқда.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!