Исроиллик мансабдор “Реутерс” агентлигига Исроил Эрон президенти Иброҳим Раисийнинг ўлимига алоқадор эмаслигини маълум қилди. Бу ҳақда “РИА Новости” хабар берди.
Маълум қилинишича, Эрон президенти Иброҳим Раисий, ташқи ишлар вазири Хосейн Амир Абдоллахиан ва бошқа расмийларни олиб кетаётган вертолёт 19-май куни мамлакатнинг шимоли-ғарбида Верзеган туманида ҳалокатга учраган.
Шунингдек, 20 май куни эрталаб Эрон вице-президенти Моҳсен Мансури вертолёт ҳалокатида президент ва унинг делегацияси ҳалок бўлгани ҳақидаги хабарларни тасдиқлаган. Делегация Озарбайжонга ташриф буюрганидан сўнг қайтиб келди, у ерда Раисий ва унинг озарбайжонлик ҳамкасби Илҳом Алиев “Гиз Галаси” гидроузелининг очилиш маросимида ва Аракс чегара дарёсидаги “Худаферин” гидроузелининг фойдаланишга топширилишида иштирок этганди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!