Саудия Арабистони чемпионати 16-тури доирасида «Ал-Насср» клуби сафарда «Ал-Ваҳда»ни мағлуб этди.

Макка клубига қарши баҳсда илк марта Роналду – Машарипов жуфтлигини асосий таркибда майдонда ҳаракат қилди. Ўйинда 38 ёшли португалиялик ҳужумчи покер қайд этди. Унинг 3-голи киритилган пенальтини Жалолиддин Машарипов ишлади.

Шу тариқа, «Ал-Насср» Роналдунинг покери эвазига йирик ҳисобда зафар қучиб, 37 очко билан пешқадамликни давом эттирмоқда. Бугунгача 15 очко жамғарган «Ал-Ваҳда» эса 13-ўринда бормоқда.

Қайд этиш мумкин, Роналду бунгача фаолияти давомида 10 марта бир ўйинда тўртта гол урган: 7 марта Ла Лигада, бир марта Евро саралашида, Жаҳон чемпионати саралашида ва Чемпионлар лигасида («Малмё»га қарши покер).

Шунингдек, Роналду 61 та хет-трик билан ҳозирда фаолиятини давом эттираётган футболчилар орасида етакчилик қилмоқда. Лионел Мессида эса бу кўрсаткич 56 тани ташкил қилади.

Саудия Арабистони чемпионати | 16-тур

«Ал-Ваҳда» – «Ал-Насср» 0:4

Голлар: 0:1 – 21ʼ Роналду, 0:2 – 40ʼ Роналду, 0:3 – 53ʼ, пенальти Роналду, 0:4 – 61ʼ Роналду.

• Футбол
• Роналду