Ўзбекистонлик профессионал боксчи Баҳодир Жалоловнинг навбатдаги жанг санаси ва рақиби расман маълум бўлди.

Бу хабарни чарм қўлқоп устасининг ўзи ҳам тасдиқлади. Probellum промоутерлик компанияси мижози бўлган Жалолов 26 ноябрь куни АҚШнинг Калифорния штати Карсон шаҳрида ташкил этиладиган бокс оқшомида америкалик 34 ёшли Кёртис Харперга қарши рингга кўтарилади. Ушбу жанг 10 раунд этиб белгиланган.

Маълумот учун, 28 ёшли Баҳодир Жалолов шу кунгача проф боксда 11 та жанг ўтказиб, уларнинг барчасида рақибларини муддатидан олдин мағлуб этган.

Харпер эса 22 та жанг ўтказган ва уларнинг 14 тасида ғалабага эришган (9 та нокаут). Қолган 8 та жангда мағлубиятга учраган (3 та нокаут).

• АҚШ
• Баҳодир Жалолов
• Бокс