Kredit kartochka hajmidagi noodatiy qurilmalar

  • 04:21 / 25.12.2014
  • 2749

Oldinlari kichikroq narsalarga gugurt hajmiday deya ta'rif berardik, hozir esa plastik kartochkaday degan so‘zni qo‘llaymiz. Bugun har bir insonda mavjud bo‘lgan bank kartasi oddiy va juda qulay vositadir. Ko‘rinishi va hajmi qulayligi kredit kartochka hajmida bo‘lgan qurilmalarning to‘liq klasi ishlab chiqilishiga sabab bo‘ldi. Bugun biz ana shunday 7 ta noodatiy va qiziqarli gadjet va devayslar haqida so‘z yuritamiz. 

“Talkase” – kredit karta hajmidagi zaxira mobil telefoni

“Talkase” – bu odatiy bo‘lmagan mobil telefon. Smartfonlar planshetga aylanayotgan bir paytda telefonning kichiklashishi ajablanarli. “Talkase” ishlab chiqaruvchilari uni zaxiradagi mobil telefon sifatida ishlab chiqishgan. U hamyonda kredit kartochkalar qatorida turadi. Kichik telefondan asosiy telefon qolib ketgan, yo‘qolib yoki o‘chib qolgan holatlarda foydalanish mumkin.

“Talkase” telefoni Bluetooth ga ega, hamma kontaktlar, elektron xat va yozuv kitobini o‘zida saqlaydi. Qurilma kutuv rejimida 100 soat, uzluksiz gaplashilsa 2,5 soat ishlaydi. Uning narxi 35 AQSh dollari.

“Poco Pro” – kredit kartochka hajmidagi fotokamera 

“Poco Pro” – mobil telefonda olingan suratlar sifatidan qoniqmagan, shuningdek, doimiy ravishda katta fotoapparat olib yurishni istamaganlar uchun mo‘ljallangan. Uning qalinligi 7 mm. Qurilma suyuqkristalli, diagonali 2,4 dyuym bo‘lgan, 16 megapikselli sensor ekranga ega. 32 gigabaytgacha microSD formatida bo‘lgan suratlarni xotirasida saqlay oladi. Ajoyib qurilma bor-yo‘g‘i 50 gramm og‘irlikka ega. Uning bahosi 300 dollar.

Mobil telefon uchun zaxira akkumulyator

Eng so‘nggi modeldagi smartfonlar ko‘p quvvat talab etadi va faol rejimda ishlasa quvvati bir kunga yetmaydi. Shuning uchun mobil telefon foydalanuvchilari tashqi akkumlyator xizmatiga murojaat etishadi. Va uni o‘zlari bilan olib yurishadi. Shu bois batareyalar hajmi ham kichiklashib bormoqda. Mana shunday qurilmaning nomi “Credit Card Sized Cell Phone Backup Battery”. Uni hamyoningizda ham saqlashingiz mumkin. “CCSCPBB” 5000 mAch sig‘imga ega. U yordamida smartfonni odatiy akkumlyatorga qaraganda ikki barobarga ko‘proq quvvatlantirsa bo‘ladi. Uning bahosi 30 dollar. 

“SwissCard” – kredit kartochka hajmidagi shveysarcha pichoq

“SwissCard” ko‘plab vaziyatlarda asqotuvchi turli asboblarning to‘plami. Ko‘pqirrali buklama pichoq juda qulay, plastik kartochka shaklida ishlab chiqarilgan.

“SwissCard” 11 turdagi vazifani bajaradi. U pichoq, qaychi, turli buragichlar, qisqich, ninato‘g‘nag‘ich, tishkovlagich, ruchka, transportir (burchak darajalarini o‘lchaydigan chizmachilik asbobi), chizg‘ich, shuningdek, tirnoqegovlagich bo‘lib bera oladi. Bu qurilmalarning barchasi kichik bank kartasi shaklida hamyoningizdan joy olishi mumkin. Mahsulot narxi — 25 dollar. 

“GOLD CombiBar” – kredit karta hajmidagi oltin yombi'

Hamyoningizdan barcha pullarni jamlagan kredit kartochkagina emas, oltin zaxirasi ham joy olishi mumkin. Shveytsariya banklaridan biri birinchilardan bo‘lib sotuvga kredit kartochka hajmidagi oltin yombilarni chiqarishni boshladi. “GOLD CombiBar”ni naqd pul kerak bo‘lganda istalgan bankga sotish mumkin. “CombiBar” 2153 dollar turadi. Bu narx oltin bahosiga qarab o‘zgarishi mumkin.

“GOODRAM USB Credit Card” – kredit kartochka hajmidagi xotira kartochkasi

Bu qurilma ma'lumot qancha ko‘p bo‘lsa, shuncha yaxshi degan paytingizda yordamga keladi. “GOODRAM USB Credit Card” ataylab bank kartasi shaklida ishlangan. Odatiy fleshkangizni qayerga qo‘yganingizni esingizdan chiqargan paytingizda “GOODRAM USB Credit Card” sizning hamyonigizda tashrif qog‘oz va kredit kartochkalar bilan turgan bo‘ladi. 16 gigabayt sig‘imli moslamaning narxi 10 dollardir.

 

“EON/C” – kredit kartochka shaklidagi fonarcha 

“EON/C”ning qulayligi sizni hayratga solishi shubhasiz. Yorug‘likdiodli qurilma qorong‘i ko‘chalarda yo‘lingizni yoritadi.  Cho‘ntak fonarlaridan asosiy farqi uning hajmidadir. Uni cho‘ntakda, karmonda saqlasa bo‘ladi. Har kuni qo‘llamaslingiz ham,   u eng kerakli paytda yordamga keladi. “EON/C”ning narxi 10 dollar.

Teglar