Toshkent mezbonlik qilayotgan boks boʻyicha Jahon chempionatining ikkinchi kungi bahslari ortda qoldi. Kun doirasida 3 nafar oʻzbekistonlik bokschi ringga koʻtarilib, ularning barchasi gʻalabaga erishdi.

Dastlab, -63,5 kg vazn toifasida harakat qiladigan Ruslan Abdullayev Puerto-Riko vakili Manuel Febusga qarshi bahs olib borib, 5:0 hisobida zafar quchdi.

-86 kg vazn toifasida esa Shohjahon Abdullayev dastlabki bosqichdagi jangini Qirgʻiziston vakili Erkin Adilbek Uuluga qarshi jang oʻtkazib, u ham gʻalaba qozondi.

Shuningdek, -80 kg vazn toifasida Jasurbek Yoʻldoshev jazoirlik Yunus Nemouchiga qarshi ringga chiqdi. Raqibiga imkon qoldirmagan Jasurbek gʻalaba bilan keyingi bosqichga yoʻl oldi.

Oʻz navbatida, bugun JChning 3-kunida quyidagi 2 nafar vakilimiz oʻz janglarini oʻtkazadi:

-71 kg: Saidjamshid Jafarov – Osorio Muxanga (Mozambik) (16:10 dan soʻng)

-60 kg: Mujibillo Tursunov – Merri Kor (Gambiya) (18:25 dan soʻng)

• Boks
• Jahon chempionati
• O‘zbekiston