Lenovo компанияси янги смартфонини тақдим қилди

Техника 9-11-2016

Мобиль электроника бозорида босқичма-босқич ривожланишга қарор қилган Lenovo компанияси янги смартфони – Moto M’ни тақдим қилди. 

Смартфон металлдан ишланган корпус, 8 ядроли Helio P15 процессори ва Mali-T860 график тезлаштиргичи, 4 Гб тезкор хотира, microSD хотира карталари ҳисобига оширилиши мумкин бўлган 32 Гб ли доимий хотира билан жиҳозланган.  

Корпус ичига сув ва чангнинг тушишидан ҳимоя ва бармоқ излари сканери алоҳида таҳсинга лойиқ. Бундан ташқари, смартфон тез қувватлаш технологиясини қўллаб-қувватлайди.   

Moto M’нинг заиф жойи у ишлайдиган операцион тизим ҳисобланади. "Зефир" операцион тизими маънавий эскириб қолмаган бўлса-да, бироқ 2016 йил охирида чиққан қурилмага яққол яроқсиз кўринади.

Смартфоннинг бу ўртамиёна кўрсаткичлари учун унга белгиланган 290 доллар нарх бироз қимматдек туюлади. Ваҳоланки шу пулга Xiaomi компанияси кучлироқ Snapdragon 820 процессорида ишловчи Mi 5 моделини таклиф қилмоқда.



МАҚОЛА МАНЗУР КЕЛГАН БЎЛСА ДЎСТЛАРИНГИЗ БИЛАН ҲАМ БЎЛИШИНГ

МАЗКУР БЎЛИМДАН ЭНГ СЎНГГИ МАҚОЛАЛАР



Изоҳлар

Изоҳингиз учун раҳмат. Тез орада сайт маъмурияти уни кўриб чиқиб, чоп этади.
Изоҳ ёзиш

Биринчилардан бўлиб изоҳ қолдиринг!

Биз сизга дунёнинг гўзаллигини эслатиб турамиз. Ишдан, мактабдан ва кўчадаги бошқа юмушлардан ҳориб уйга қайтганингизда, сизни ҳаётнинг оддий ва одатий ташвишларидан бироз чалғита олсак, ютуғизмиз шудир бизнинг.
Яндекс.Метрика

© 2017 XABARDOR.UZ