MacBook Pro савдолари рекорд ўрнатмоқда

Гаджетлар 10-11-2016

Яқингинада тақдимоти бўлиб ўтган MacBook Pro ноутбуги савдолари янги рекордларни ўрнатмоқда, деб хабар қилмоқда Forbes журнали Slice Intelligence томонидан ўтказилган тадқиқот натижаларига асосланган ҳолда. 

«Савдолар бошланганидан сўнг беш кун ичида онлайн харидорлар янги MacBook Pro учун сарфлаган умумий маблағи 2016 йилнинг ўтган даврида бошқа турдаги ноутбуклар учун сарфланган пулларнинг жами қийматидан ошиб кетди. Катта ишонч билан айтиш мумкинки, бу купертинолик мутахассисларнинг улкан ютуғидир», — дейилади Slice Intelligence матбуот баённомасида.

Apple компанияси беш кун ичида MacBook Pro ноутбукларини сотишдан топган даромади, бошқа ишлаб чиқарувчиларнинг бир йил мобайнида топган даромадини ортда қолдирган. Таъкидланишича, илк икки кунда талаб анча юқори бўлган. 

Ушбу натижалар қисман MacBook Pro ноутбукларининг ўта қимматлиги билан изоҳланади. Янги ноутбуклар қатори аввалгиларидан анча қиммат туради. Жумладан, энг арзон, Touch Bar ўрнатилмаган моделининг нахри 1499 доллар этиб белгиланган. Интерфейснинг янги намунасига эга бўлиш учун яна 300 долларнинг баҳридан ўтиш лозим бўлади. 15 дюймли экранга эга ноутбукка 2399 доллар тўлаш керак бўлади. 



МАҚОЛА МАНЗУР КЕЛГАН БЎЛСА ДЎСТЛАРИНГИЗ БИЛАН ҲАМ БЎЛИШИНГ

МАЗКУР БЎЛИМДАН ЭНГ СЎНГГИ МАҚОЛАЛАР



Изоҳлар

Изоҳингиз учун раҳмат. Тез орада сайт маъмурияти уни кўриб чиқиб, чоп этади.
Изоҳ ёзиш

Биринчилардан бўлиб изоҳ қолдиринг!

Биз сизга дунёнинг гўзаллигини эслатиб турамиз. Ишдан, мактабдан ва кўчадаги бошқа юмушлардан ҳориб уйга қайтганингизда, сизни ҳаётнинг оддий ва одатий ташвишларидан бироз чалғита олсак, ютуғизмиз шудир бизнинг.
Яндекс.Метрика

© 2017 XABARDOR.UZ