Markaziy dehqon bozorlardagi narxlar e’lon qilindi 

  • 12:16 / 26.03.2020
  • 827

Davlat statistika qo‘mitasi mamlakat hududlaridagi markaziy dehqon bozorlarida 2020-yil 25-mart kuni kuzatuv o‘tkazib, alohida turdagi oziq-ovqat mahsulotlarining minimal-maksimal narxlarini e’lon qildi.

Mol go‘shti (suyaksiz go‘shtidan tashqari) 39 000 so‘mdan 70 000 so‘mgacha (kg)

Image result for Mol go‘shti

Kuzatuv natijasiga ko‘ra, 1 kg mol go‘shtining (suyaksiz go‘shtidan tashqari) minimal narxi Nukus shahrining “Nukus dehqon bozori”da qayd etilgan (37 000 so‘m). Mol go‘shtining maksimal narxi esa Toshkent shahrining “Oloy dehqon bozori” va “Mirobod dehqon bozori”da kuzatildi (60 000 so‘m).

Qo‘y go‘shti 39 000 so‘mdan 70 000 so‘mgacha

Image result for Qo‘y go‘shti

Qo‘y go‘shtining minimal narxi kuzatuv natijasiga ko‘ra, Toshkent shahrining “Qo‘yliq dehqon bozori” va “Mirobod dehqon bozori”da (39 000 so‘m) ro‘yxatga olingan. Maksimal narxi esa Toshkent shahrining “Oloy dehqon bozori”da (70 000 so‘m) kuzatildi.

Kartoshka 2 500 so‘mdan 6 000 so‘mgacha

Image result for kartoshka

Olib borilgan kuzatuv natijalariga ko‘ra, kartoshkaning minimal narxi Namangan shahrining “Namangan chorsu dehqon universal bozori”, Samarqand shahrining “Siyob dehqon bozori”, “Damariq dehqon bozori”, Toshkent shahrining “Oloy dehqon bozori” va “Farhod dehqon bozori”da qayd etilgan (2 500 so‘m). Maksimal narxi esa, Toshkent shahrining “Oloy dehqon bozori”da (6 000 so‘m) qayd etildi.

Piyoz 1 000 so‘mdan 4 000 so‘mgacha 

Image result for piyoz

Kuzatuv natijasiga ko‘ra, piyoz mahsulotining minimal narxi Guliston shahrining “Guliston dehqon bozori”da (1 000 so‘m) ro‘yxatga olindi. Maksimal narxi esa, Urganch shahrining “Urganch markaziy dehqon bozori”, Toshkent shahrining “Oloy dehqon bozori” va “Mirobod dehqon bozori”da kuzatildi (4 000 so‘m).

Sabzi 500 so‘mdan 5 000 so‘mgacha

Image result for Sabzi

Sabzi mahsulotining minimal narxi kuzatuv natijasiga ko‘ra, Termiz shahrining “Termiz shahar dehqon oziq- ovqat bozori” va “Markaziy dehqon oziq- ovqat bozori”da (500 so‘m) qayd etilgan. Maksimal narxi esa Toshkent shahrining “Mirobod dehqon bozori”da (5 000 so‘m) kuzatildi.

Tuxum 4 000 so‘mdan 10 000 so‘mgacha (10 dona)

Image result for Tuxum

Tuxum mahsulotining kuzatuv natijasiga ko‘ra, minimal narxi Yangiyo‘l shahrining “Ixtisoslashgan Yangiyo‘l shahar dehqon bozori”, Toshkent shahrining “Farhod dehqon bozori” va “Qo‘yliq dehqon bozori”da qayd etildi (4 000 so‘m). Maksimal narxi esa Toshkent shahrining “Oloy dehqon bozori”da qayd etilgan (10 000 so‘m).

Guruch 3 800 so‘mdan 18 000 so‘mgacha 

Image result for Guruch

Kuzatuv natijalariga ko‘ra, guruch mahsulotining minimal narxi Nukus shahrining “Nukus dehqon bozori”da ro‘yxatga olingan (“Nukus” navli guruch 3 800 so‘m). Maksimal narx esa Toshkent shahrining “Mirobod dehqon bozori”da kuzatildi (“Lazer” navli guruch 18 000 so‘m).

O‘simlik yog‘i 8 000 so‘mdan 13 500 so‘mgacha (1 litr)

Image result for O‘simlik yog‘i

O‘simlik yog‘i mahsulotlarining kuzatuv natijasiga ko‘ra, minimal narxi Toshkent shahrining “Qo‘yliq dehqon bozori”da (mahalliy paxta yog‘i 8 000 so‘m) kuzatildi. Maksimal narxi esa Chirchiq shahrining “Chirchiq shahri dehqon bozori” hamda Toshkent shahrining “Eski jo‘va dehqon bozori”, “Oloy dehqon bozori”, “Farhod dehqon bozori”, “Qo‘yliq dehqon bozori” va “Mirobod dehqon bozori”da (kungaboqar yog‘i 13 500 so‘m) kuzatildi.