Mazali steyk tayyorlash sirlari

  • 09:50 / 21.01.2015
  • 5617

Steyk muzlamagan bo‘lsin. 

Steyk tayyorlashda harorat juda muhim. U xona haroratiga yaqin bo‘lishi kerak. Qovurishdan oldin steyk “dam olishi” kerak. Shunda go‘sht bir xilda qovuriladi.

Steykda ortiqcha nam bo‘lmasligi lozim. Ko‘rinishi chiroyli bo‘lishi uchun u 150 darajadan baland haroratda qovurilishi kerak. Agar steykning usti nam bo‘lsa suv qaynab bug‘lanadi va go‘shtning yaxshi qovurilishiga imkon bermaydi.

Rangi va qalinligiga e'tibor bering. 

Go‘sht yorqin-qizil rangda bo‘lishi lozim. 

Qalinligi esa 2,5 santimetrdan kam bo‘lmasligi kerak. 

Steyk to‘g‘ri tayyorlanganiga ishonch hosil qiling. 

Steykning rangiga e'tibor bering. U qizil, pushti yoki jigarrang bo‘lishi mumkin, lekin steyk ichidagi go‘sht rangi bir xil bo‘lishi kerak. 

To‘g‘ri tayyorlangan steyk mana bunday ko‘rinishda bo‘ladi.

Steyk qanday bo‘lmasligi kerak? 

Har bir bo‘lak ichidagi turli rangdagi “yo‘l-yo‘l” qatlamlarni ko‘ryapsizmi? 

Pishirishdan oldin sovuq yoki muzlatilgan holatda bo‘lgan steyk mana shunday ko‘rinishga kelib qoladi. Go‘sht bir xilda qovurilmaydi. Steykning ichki qismi hech qachon yo‘l-yo‘l bo‘lmasligi kerak.

Steykni darhol bo‘laklarga ajratmang. 

Steykni pishishi bilan kesishga shoshilmang. Hech bo‘lmaganda 5 daqiqa kuting. Steyk tayyorlanayotgan paytda sharbat uning markaziga to‘planadi. Agar steykni darhol kessangiz, sharbat oqib ketadi. U bilan birga esa ta'mi ham yo‘qoladi. Steyk bemaza bo‘lib qoladi. Ozgina kutsangiz, sharbat steykka bir tekisda tarqaladi.

Go‘shtni tolalarga ko‘ndalang kesing.

Steykni qanday kesish ham muhim. Agar steykni to‘g‘ri kessangiz go‘sht judayam yumshoq bo‘ladi. Steyk uzunligi bo‘ylab chapdan o‘ngga chiziqlar o‘tadi. Ular go‘sht tolalaridir. Agar go‘shtni tolalarga ko‘ndalang holda kessangiz, chaynash oson bo‘lgan kalta tolalar hosil bo‘ladi. Agar tolalar bo‘ylab kessangiz, uzun tolalar paydo bo‘ladi va go‘shtni chaynash qiyinlashadi.

Sousdan voz keching.

Agar steyk to‘g‘ri tayyorlansa, unga sousning qo‘shishning hojati qolmaydi.

Ziravorlar

Sifatli steykka tuz va tuyilgan qora murchdan boshqa narsaning keragi yo‘q.

Teglar