Mehmonxonalardagi injiq mijozlardan norozilik xit-paradi

  • 07:08 / 06.01.2015
  • 3905

Dam olish damlari inson hayotida uzoq kutiladigan va judayam qisqa vaqtda o‘tib ketadigan hodisa hisoblanadi. Inson bunday paytlarda doimiy stresslardan, turli muammolardan xalos bo‘ladi. Kimlardir dam olish vaqtini do‘stlari bilan, boshqa birovlar esa yaqin insonlari davrasida o‘tkazadi. Lekin afsuski hamma ham bunday fikrda emas. Shunday insonlar borki, ular eng xushmanzara dam olish maskanlarida ham miriqib hordiq chiqara olishmaydi. Bunday insonlar sayohatda bo‘lishsada, barcha narsalardan nolib yurishadi. Quyida eng kulgili va uchratish qiyin bo‘lgan 25 arz-dodni hukmingizga havola etamiz. Ular o‘ylab topilmagan, balki sayyohlar tomonidan to‘plab borilgan. 

1. “Quyoshda qorayishni man etish kerak. Bizning dam olishimiz chipakka chiqdi. Erim begona ayollar bilan don olishni mo‘ljallab yuribdi”.

2. “Biz joylashagan xonaning havo harorati 16 darajani ko‘rsatayapti. Mana sizga dalil —suratga olingan sifatli surat. (Suratda xona harorati 20 darajani ko‘rsatib turardi)

3. “Bizga berilgan qo‘llanmada “Mehmonxonada soch olish taqiqlanadi” deb yozilgan ekan. Biz esa sartaroshlarmiz. Shuning uchun bizga atay yomon xizmat ko‘rsatishayapti.

4. “Bokalimdagi muz judayam tez erib ketayapti”

5. “Siz bizni shovqin-so‘ronli joylardan va mana bu sayyohlardan uzoqda shahar tomosha qildirishingiz va bu qarorga biz sayyohatga chiqishimizdan oldin kelishingiz lozim edi”.

6. “Qo‘llanmada Ispaniyada quyosh qaysi tomonga botishi ko‘rsatilmagan ekan”.

7. “Qumning bunday qaynoq bo‘lishi haqida hech kim bizni ogohlantirmadi. Unda yurishning deyarli iloji yo‘q-ku axir”.

8. “Menga bir kunda bir marta bor yo‘g‘i ikki o‘ramdangina hojatxona qog‘ozi berishdi”.

9. “Ishonchim komilki, men bu mehmonxonada avval ham bo‘lganman. Shu bois yana qaytadan bu yerda qololmayman”.

10. “Shahar aylangani chiqqanimizda, biz piyoda yurgan yo‘l juda ham notekis va yurishga noqulay ekan. Shu bois shaharning ko‘zga ko‘ringan maskanlarini yaxshi tomosha qila olmadik”.

11. “Mehmonxonadagi grekcha taom judayam grekcha ekan. Shu bois yaqin oradagi fast-fudlardan biriga borishimizga to‘g‘ri keldi”.

12. “Biz akvaparkka borgandik. Biroq hech kim o‘zimiz bilan cho‘milish kiyimlari va sochiq olib olishimiz lozimligi haqida bizni ogohlantirmadi”.

13. “Meni chivin chaqib oldi. Hech kim ularni chaqishi haqida meni ogohlantirmagandi”.

14. “Sohildagi qum qo‘llanmada ko‘rsatilgan qumga qaraganda biroz oqroq ekan”.

15. “Bolgariyada judayam ko‘p bolgar bor ekan”

16. “Men o‘z xonamni do‘stim joylashgan uch yotoqli xona bilan taqqoslaganimda, men joylashgan nomer unikidan ancha kichikligi ma'lum bo‘ldi”

17. “Bizga Yamaykadan uyga — Angliyaga qadar to‘qqiz soat uchishimiz haqida aytishdi. Nega amerikaliklar uch soatda uylarida bo‘lishadi-da, biz to‘qqiz soat uchishimiz kerak. Bu nohaqlik”.

18. “Nega Sidneyda shahar bo‘ylab kengurular sakrab yurmaydi? Bu meni juda hayratga soldi”.

19. “Qayiq olish uchun uzun navbatga turishimizga to‘g‘ri keldi. Eng yomoni u yerda konditsioner yo‘q ekan.

20. “Biz ko‘chada narsa sotib o‘tirgan chayqovchidan 5 yevroga Ray-Ban sotib olgandek. Keyin bilsak u qalbaki ekan” 

21. “Qumli sohil judayam qumli ekan”

22. “Hindistonda, Goada bo‘lganimda deyarli barcha taomlarga achchiq ziravor qo‘shisharkan. Menga esa achchiq ziravor qo‘shilgan taomlar yoqmaydi”

23. “Fillarning ko‘payish mavsumi asal oyimni rasvosini chiqardi. Men o‘zimni noshud seza boshladim”.

24. “Qo‘llanmada yozilishicha, mehmonxona oshxonasidan ovqatlanish uchun barcha zarur buyumlarni topsa bo‘ladi. Lekin biz tuxumkesadiganni topa olmadik”.

25. “Suvda baliq bo‘lishi mumkinligi haqida hech kim bizni ogohlantirmadi. Bolalar qo‘rqib ketishdi”.

Teglar