Mikroto‘lqinli pech zararli emas?!

  • 06:25 / 21.12.2014
  • 2509

Ko‘pchilik mikroto‘lqinli pech taomlardagi zaruriy barcha oziq moddalar va minerallarni o‘ldiradi, deya qattiq ishonishadi. Aslida ham shundaymi?

Bu savolga asosli javob bor: yo‘q. U hatto odatiy ovqat tayyorlash usullariga qaraganda ham taomlardagi oziq moddalarni ko‘proq saqlaydi. 

Odatda gaz plitasi va odatiy duxovkalarda ovqat tayyorlash jarayonida mahsulotlar tarkibidagi issiqqa ta'sirchan oziq moddalar miqdori va foydalilik xususiyatlari (masalan, sabzavotlar tarkibidagi foliy kislota, V va S vitaminlari) kamayadi.

Mikroto‘lqinli pechda ovqat tayyorlash uchun kam vaqt sarflangani hisobiga mahsulotlardagi foydali oziq moddalar yo‘qolishga ulgurmaydi. Lekin undan tarkibi V 12 vitaminiga boy bo‘lgan mahsulotlardan taom tayyorlashda foydalanmagan ma'qul. Sababi issiqlik natijasida bu vitamin nofaol shaklga o‘tadi. Jarayonda suv miqdorini cheklash bu kabi bebaho darmondorilarning yo‘qolishini kamaytiradi. 

Tadqiqotlarda chiqarilgan yana bir xulosa “odatiy tarzda va mikroto‘lqinli pechda tayyorlangan ovqatlar oziq moddalarni saqlashiga ko‘ra bir-biridan deyarli farqlanmaydi. Bug‘da pishirilgan sabzavotlardagina vitamin va minerallar ko‘rsatkichlari baland bo‘ladi”.

Istisno holatlar ham bor. Misol uchun, 2003 yilda o‘tkazilgan tadqiqotda ko‘rsatilishicha, mikroto‘lqinli pechda tayyorlangan brokkoli 74 foiz fenol birikmalarini yo‘qotgan bo‘lsa, qaynatib tayyorlangan brokkolidagi bu ko‘rsatkich 66 foizni tashkil etgan. Shuningdek, mikroto‘lqinli pechga sutni solish yaramaydi. Bu undagi antibakterial xususiyatlarni yo‘qotadi.

Teglar