Mirzo Ulug‘bek tumani prokurori ishdan olindi

  • 01:32 / 16.07.2019
  • 389

Foto: Kun.uz

Toshkent shahri Mirzo Ulug‘bek tumani prokurori Timur Normuhammedov egallab turgan lavozimidan ozod etildi. Bu ma'lumot Bosh prokuratura matbuot xizmati tomonidan tasdiqlandi.

Ma'lum qilinishicha, Ravshan To‘lqinovich Hakimov Mirzo Ulug‘bek tumanining yangi prokurori etib tayinlangan. U bungacha Toshkent shahar prokuraturasi katta prokurori lavozimida ishlab kelayotgandi.

Timur Normuhammedov 2015 yildan buyon Mirzo Ulug‘bek tumani prokurori lavozimida edi. Ayni vaqtda uning ishdan ketish sababi ma'lum emas.