Муваффақиятга сабаб бўладиган 8 шахсий жиҳат

Маслаҳат 19-09-2018

Кўпчилик ақлли ва меҳнаткаш одамлар, албатта, муваффақиятга эришишига ишонишади. Бироқ, аслида, ақл даражаси муваффақиятингизга боғлиқ бўлган асосий омил эмас. Муҳим роль ўйнайдиган яна бир жиҳат мавжуд.

Фото: Pixabay

Ўқимишлилик сизга кўп нарсага эришишда ёрдам беради, аслида ҳиссий интеллект етук ақлий қобилиятларга қараганда муҳимроқ.

Гриффит университети катта маърузачиси доктор Артур Поропат, шахсга хос бўлган беш омил – виждонлилик, очиқлик, ҳиссий барқарорлик, экстраверсия ва мўмин-қобилликни ўрганди. Аниқланишича, мазкур жиҳатлар яхши ривожланган талабаларнинг аъло баҳо олиш имконияти IQ даражаси юқори бўлганларга қараганда кўпроқ.

Карнеги-Меллоннинг яна бир тадқиқоти натижаларига кўра, гап молия ҳақида борганида ҳиссий интеллект одатий ақлга қараганда муваффақиятнинг муҳимроқ омили саналади. Молиявий муваффақият 85 фоиз - ўзаро мулоқот қила олиш, 15 фоиз – техник билимларга боғлиқ бўлади. Буларнинг бари одамлар ўзлари ишонган инсонлар билан бизнес юритишга интилишлари билан изоҳланади.

Демак, қуйидаги жиҳатлар муваффақият имкониятига кўпроқ таъсир кўрсатади:

Фото: Pixabay

Шахсий назорат

Агар ҳиссиётларингизни тўғри бошқара олсангиз, демак салбий вазиятларда ўзингизни онгли ҳолда назорат қиласиз. Дастлаб ўйланг, кейин бажаринг – бу маслаҳат ҳаётнинг исталган соҳасида асқатади.

Шахсий ривожланиш қоидаси

Бундай қоидага эга одамлар машаққат ва синовларга иштиёқ билан муносабатда бўлишади. Улар ўз кучига астойдил ишонибгина қолмай, ақлий салоҳият даражаси пастроқ бўлса-да, бундай қоидага эга бўлмаганларга қараганда самаралироқ ишлайди.

Қатъийлик

Ўз хатоларини тўғрилашни эплолмаслик – салбий жиҳат. Қатъий одамлар улар кутмаган бирор нарса содир бўлса, тушкунликка тушишмайди – хатоларини тан олиб, унинг ечимини излашади.

Фото: Pixabay

Иштиёқ

Ишга нисбатан иштиёқ муваффақият сари ҳаракатланишга ёрдам беради. Бирор соҳада муваффақиятга интилишнинг ўзи етарли эмас. Ҳақиқатан ҳам натижага эришиш истаги бўлса, ўз ишини севиш керак.

Эмпатия

Мижоз ёки ҳамкасбнинг вазиятига “кириш” ишончни ошириб, зўриқишни камайтиради. “Мен сизнинг фикрингизни тушунаман” ва “сиз ноҳақсиз” сўзлари орасида фарқ бор ва у – эмпатия.

Виждонлилик

Виждонли одамлар интизомли бўлишади ва барини олдиндан режалаштиришади. Улар ўзларини барча зарурий билимга эга деб ҳисоблашмайди ва вазифаларини тартибли бажаришга ҳаракат қилишади.

Фото: Pixabay

Ижтимоийлик

Сиз асосий ишингиздан ажралмаган ҳолда нетворкинг билан шуғуллана оласиз, жамоада ишлаш ва  одамларни бир-бири билан таништириш  қобилиятига эгасиз. Ижтимоийлик – ўзини дўстона тутиш билан чекланмайди. Бу ҳар қандай вазиятда ҳам ҳиссиётларни бошқара олишингизни англатади. Демак, муваффақиятга эриша оласиз.

Янги тажрибага нисбатан очиқлик

Агар бари қандай ташкил этилгани сизга қизиқ бўлса ва барча нарсага тушунтириш изласангиз, сизнинг муваффақиятга эришишингиз эҳтимоли қизиқувчан бўлмаган тенгдошларингизга нисбатан тўрт марта юқорироқ. Бу қисман бирор нарсани кашф этиш имконияти пайдо бўлгандаги таассурот ҳисси  билан боғлиқ.



МАҚОЛА МАНЗУР КЕЛГАН БЎЛСА ДЎСТЛАРИНГИЗ БИЛАН ҲАМ БЎЛИШИНГ

МАЗКУР БЎЛИМДАН ЭНГ СЎНГГИ МАҚОЛАЛАР



Изоҳлар

Изоҳингиз учун раҳмат. Тез орада сайт маъмурияти уни кўриб чиқиб, чоп этади.
Изоҳ ёзиш

Биринчилардан бўлиб изоҳ қолдиринг!

Биз сизга дунёнинг гўзаллигини эслатиб турамиз. Ишдан, мактабдан ва кўчадаги бошқа юмушлардан ҳориб уйга қайтганингизда, сизни ҳаётнинг оддий ва одатий ташвишларидан бироз чалғита олсак, ютуғизмиз шудир бизнинг.
Яндекс.Метрика

© 2018 XABARDOR.UZ