Noutbukingiz qizib ketadimi? Unda o‘qing

  • 05:31 / 23.12.2014
  • 3426

Zamonaviy inson har kuni kompyuterdan foydalanadi. Noutbuklarning ommalashuvi beso‘naqay kompyuterlardan butunlay voz kechishimizga olib keldi. Har bir foydalanuvchi cho‘ntagi kuyib sotib olgan yangi texnika namunalarini ehtiyotkorlik bilan ishlatib, ularning xizmat umrini uzaytirishni istaydi. Biroq deyarli hech kim noutbuk bilan birgalikda unga tago‘rin sotib olmaydi. Aslida esa noutbugingizning qizib ketishining oldini oladigan bu aksessuarning o‘rnini hech narsa bosolmaydi. Noutbuk uchun tago‘rin tanlashda sovitish tizimi, ventilyator qayerda joylashganiga e'tibor bering, tago‘rin aynan uning tagida turishi zarur. O‘yinga mo‘ljallangan kuchli kompyuterlardan tago‘rinsiz foydalanib bo‘lmaydi.

Bunday noutbuklarda katta bosimdagi issiqlik ko‘pincha kuler qatoridan chiqadi va qizigan kompyuter ish jarayonida ovoz chiqarib buziladi. Bu kabi noxushliklarning oldini olish maqsadida yozda va issiq o‘rinlarda kompyuterda ishlash uchun tago‘rinlardan foydalanish kerak. Profilaktik tadbirlarni olib borib qo‘ysangiz, kompyuteringiz kunlardan bir kuni ishlashdan to‘xtab, kuyib qolishidan qo‘rqmasangiz ham bo‘ladi.

Sovituvchi tago‘rinlarning bir necha ko‘rinishlari mavjud bo‘lib, ular ko‘chada, stol ustida yoki yotoq o‘rnida foydalanishga mo‘ljallangan. Agar sizga ventilyatorli tago‘rin ma'qul kelmasa, unda sust sovituvchi variantdagi tago‘rinni ham tanlashingiz mumkin. Bunday tago‘rin noutbukka havo kirishini ta'minlaydi. Yuqorida ta'kidlab o‘tganimizdek, noutbuklarning qizib ketib, kuyishining sababi ham yaxshi havo aylanmasligidir. Agar siz “Packard Bell” yoki kuleri yaxshi ishlaydigan noutbuk egasi bo‘lsangiz, sust sovituvchi variant sizga mos keladi.

Shuningdek, noutbukka mo‘ljallangan stol sovitishni yaxshi yo‘lga qo‘ysa bo‘ladi. Bu aksessuar har xil shaklda bo‘lishi mumkin. Agar siz noutbukdan yotoq o‘rningizda foydalanadigan bo‘lsangiz, u filmlarni tomosha qilishingiz uchun ham juda qulay. Surilma stol esa ko‘proq ishxona sharoitiga mos keladi.  

Ko‘rinib turibdiki, noutbuklarning sovituvchi tago‘rinlarining katta to‘plami bor va ular ichidan o‘zingizga mosini tanlashingiz mumkin. Bunday xarid uchun noutbugingiz sizdan minnatdor bo‘ladi.

 

Manba: econet.ru

Teglar