Oddiy yashashga o‘rgatadigan 8 maslahat

  • 13:26 / 05.10.2018
  • 6204

Oddiy yashash degani bu – joyni har qanday jismoniy va ruhiy «chiqindilardan» bo‘shatish va o‘ta samaradorlik hamda iste'mol qilishning yuqori darajasi sizni baxtli kishiga aylantirmasligini tushunish. Oddiy yashash degani oddiy narsalardan huzur olishni anglatadi: yolg‘izlik, sukunatdan zavqlanib, hayotning har bir lahzasining qadriga yetish.

Mashhur bloger va kitoblar muallifi Leo Babauta kattalar hayotida o‘z yo‘lingizni boshlashga yordam beradigan sakkizta maslahat beradi.

Foto: Pixabay

1.Yodingizda bo‘lsin: har qanday kurash miyangizdan boshlanadi

Biror narsani ololmaganlik sabab zo‘riqish va hafsalaning pir bo‘lishi, shoshqaloqlik va ishga ko‘milganlik bularning bari – muvaffaqiyat, odam, buyum, mavqe kabi narsalarga tobelik sabab miyangizda tug‘iladi. O‘z tobeligingizni “qo‘yib yuboring”. Ana o‘shanda hech narsa sizni xafa qilib, tushkunlikka tushirmaydi.

2. Tobe bo‘lgan narsalaringizni kuzating

Agar ularni «qo‘yib yubormasangiz», hayot osonlashib qolmaydi. Agar eski yodgorliklarga bog‘liqlik sabab uyingizni chiqindilardan tozalay olmasangiz, doimiy faollik va yozishmalarga tobe bo‘lsangiz, informatsion yuk va charchoq sizga xavf soladi.

Tobeligingizni oshiradigan narsalar va nimadan xalos bo‘la olmayotganingizni kuzating. U xoh buyum, xoh odam yoki ish bo‘lsin, ulardan xalos bo‘lmasangiz, erkinlikka erishmaysiz. Hayot esa doim murakkab bo‘ladi.

Foto: Pixabay

3. Chalg‘ish odatidan xalos bo‘ling

Biz doimiy ravishda chalg‘ish, darslarni bo‘lib, o‘zimizni juda band deb his etishga ko‘nikkanmiz. Biror kishi bilan suhbatlashayotganda messenjerdagi xabarlarga chalg‘iymiz.

Bu xarakter yoki miyaning o‘ziga xosligi emas, balki yomon odat ekanini tushunish kerak. Agar qattiq harakat qilinsa, undan xalos bo‘lish mumkin.

4. Hayotni to‘liq ekran rejimida o‘tkazing

Tasavvur qiling, sizning har qanday ishingiz – email’ga javob, idish yuvish yoki mutolaa – katta ekranda namoyish etilmoqda. Faqat shu vazifa bor. Siz undan boshqa hech narsani ko‘rmaysiz. Agar har bir ishni to‘liq ekranda namoyish etsangiz, hayotdagi zo‘riqishlar kamayadi.

Har qanday ishga to‘liq diqqatni jamlasangiz, undan zavq olib, yaxshiroq bajarish mumkin bo‘ladi.

Foto: Pixabay

5. Ishlar o‘rtasidagi tanaffuslarni oshiring

Ro‘yxatingizdagi ishlar sonini qisqartiring. Bajarishingiz mumkin bo‘lgan ishning yarmini rejalashtiring. O‘zimizni doimiy ravishda ishlar bilan band qilamiz. Ovqat tayyorlash, o‘zimizni tartibga solish, kiyim-kechaklarni tozalash kabi yumushlarni unutib qo‘yamiz.

Yashashga ulgurish uchun atrofda sodir bo‘layotgan narsalarni kuzatishga vaqt toping.

6. Oddiy narsalardan huzur toping

Mutolaa, o‘rganish, sayr qilish, oddiy taom, meditatsiya, siz uchun qadrli bo‘lgan odamlardan zavq oling. Keyingi safar hayot sizga juda murakkab bo‘lib ko‘ringanida bu narsalar har doim mavjudligi va zavq olib kelishini yodda tuting.

Foto: Pixabay

7. Sizga nima kerakligini tushuning va boshqa narsalardan voz keching

Aslida nima istashimizni kam hollardagina bilamiz. Suratni ko‘rishimiz bilan hayot yo‘nalishini o‘zgartirish fikriga kelamiz. Boshqalarga qarab, amalga oshmaydigan xohishlarni o‘ylab topamiz. Shuning uchun aziyat chekishni boshlaymiz. O‘zga kishi shug‘ullanayotgan qimmatbaho xobbi bilan mashg‘ul bo‘lishni xohlaymiz. Boshqa soch turmagi, boshqa telefon, boshqa hayotni istaymiz.

Keraksiz bo‘lmagan ishlar, xarid va istaklarni ko‘proq belgilasangiz, hayotingiz oson va yaxshiroq bo‘ladi.

8. Hech nima bilan band bo‘lmaslikni amalga oshiring

Doimiy ravishda band bo‘lishga shu darajada o‘rgandikki, hech nima bilan band bo‘lmaslik bizga aziyat beradi. Barcha mashg‘ulotlardan voz kechishga harakat qiling: o‘qimang, smartfonga qaramang, iste'mol qilmang.

Dastlab miyangizda biror narsa bilan band bo‘lish haqidagi takliflar paydo bo‘ladi. Zerikishni boshlaysiz, uyqungiz keladi. Chekinmang – bor-yo‘g‘i hech narsa qilmang.

Bunday odatiy tajribaga uzoq muddat sabr qilish mushkul. Asta-sekinlik bilan moslashing. Bu zo‘riqish, ichki shoshqaloqlikni yengishda yordam beradi.

Bu maslahatlarga amal qiling va hayotingiz qanday o‘zgarishiga nazar soling. Atrofda va o‘zingizda juda ko‘p yoqimli narsalarni topishingiz aniq.

P. S. Bu maqolani boshqa ishlarga chalg‘imasdan o‘qidingizmi? ;)