O‘rganish jarayonini tezlashtirishning 3 usuli

  • 10:11 / 14.03.2019
  • 4264

Albert Eynshteyn, Richard Feynman va Ilon Maskdan maslahatlar.


Albert Eynshteyn: zavqlaning

Odam zavq bilan ishlaganida jarayonga kirishib ketadi. O‘z-o‘zidan bunday ishning samaradorligi bir necha marta ortadi.

Albert Eynshteynning o‘g‘li fortepiano chalishni o‘rganayotganida mashhur olim unga shunday maslahat bergan:

«Fortepiano chalish senga yoqishidan juda xursandman. O‘qituvchi vazifa qilib bermagan bo‘lsa ham o‘zingga yoqqan asarlarni chalgin. Bu ko‘proq materialni tezroq o‘zlashtirish usuli. Zavq bilan ijro etganingda vaqt qanday o‘tganini bilmay qolasan. Ayrim hollarda ishimga shu darajada kirishib ketamanki, tushlik vaqti o‘tib ketganini ham sezmayman».

Richard Feynman: bolaga tushuntiring

Fizika bo‘yicha Nobel mukofoti sovrindori, kvant mexanikasi ilmiy nazariyasi asoschilaridan biri Richard Feynman barini soddalashtirishni maslahat beradi. Shu darajada sodda bo‘lsinki, uni hatto 8 yoshli bola ham tushunsin.

«G‘oyani boshdan oxirigacha sodda til bilan tasvirlashga harakat qilganingizda u hatto bola uchun ham tushunarli bo‘ladi. Siz fundamental asoslar, mayda detallar va ular orasidagi aloqani tushunishga harakat qilasiz».

Ilon Mask: bilimlar haqida daraxtlar kabi o‘ylang

Ilon Mask dunyodagi eng mashhur elektron to‘lov tizimini yaratdi, avtomobil sanoatida haqiqiy inqilobni amalga oshirdi va endilikda odamlarni Marsga yuborishni rejalashtirgan. O‘ziga umuman teskari bo‘lgan bilimlarni tezda o‘zlashtirishda unga quyidagi strategiya yordam beradi:

«Bilimlarga semantik daraxt kabi munosabatda bo‘lish muhim. Asosiy tamoyillarni tushunayotganingizga ishonch hosil qiling. Ana shundagina shoxlarga, keyin esa barglar (detallarga) o‘tish mumkin».


Teglar