Ortiqcha harakatlarsiz to‘g‘ri ovqatlanishning 6 usuli

  • 03:36 / 24.10.2018
  • 6180

Sog‘lom turmush tarziga amal qilish hozir ayniqsa juda muhim. Biroq ko‘pchilik uchun to‘g‘ri ovqatlanishga o‘tish o‘ta muammoli bo‘lib, o‘zini huzurdan mosuvo qilishdek gap. Bugun ortiqcha harakatlarsiz to‘g‘ri ovqatlanish haqida so‘z yuritamiz. Bu sizga o‘zingizni yaxshiroq his qilish, shu bilan birga ko‘p narsalardan cheklanmaslikda yordam beradi.

Foto: Unsplash

Kichik likopchalardan tanovvul qiling

Zamonaviy jamiyatning muammolaridan biri – ortiqcha yeyish. Oshqozonimiz - kerak bo‘lganida cho‘zilish qobiliyatiga ega mushak. Bir xil porsiyani kichik yoki katta likopdan iste'mol qilganimizda turlicha idrok etamiz. Katta likopda u kichigiga qaraganda kam bo‘lib tuyuladi. Shuning uchun yana biror narsa yegimiz keladi: bu jismoniyga qaraganda ko‘proq ruhiy holat.

Yoningizda suv olib yuring

Ishlayotganimizda ongsiz holatda biror narsa ichamiz yoki yeymiz. Bu choy, qahva yoki limonad bo‘lishi mumkin. Ushbu ichimliklar esa har doim ham foyda keltirmaydi. Suvni afzal bilgan ma'qul. Yoningizga bir butilka suv qo‘ying. Bu - foydali odat.

Foto: Unsplash

Kontrast likoplardan foydalaning

Agar likop ovqat bilan bir rangda bo‘lsa, miyangiz porsiyani o‘zi istamagan holda kamroq deya idrok etadi. Chunki ovqat idish bilan “birlashib ketadi”. Yorqin likoplarni afzal biling: masalan, yashil rangdagisini. U bir tomondan ko‘pchilik mahsulotlar, boshqa tomondan ko‘katlar bilan kontrast bo‘ladi. Ko‘katlarni ko‘proq iste'mol qilish esa  foydali.

Foydali mahsulotlar yoningizda, zararlisi – uzoqroqda bo‘lsin

Och qolganimizda qo‘l ostimizdagi mahsulotlarga qo‘l cho‘zamiz. Agar bu konfet va pechene emas, biror foydali yegulik bo‘lsa, yanada  yaxshi. Meva, yong‘oqlar, sabzavotlarni tanlagan ma'qul.

Yarim likop qoidasi

Porsiyaning birinchi yarmini sabzavot, ko‘kat va mevalarga, qolganini odatiy yeguliklarga almashtiring.

Foto: Unsplash

“Tashqi uzuk” qoidasidan foydalaning

Foydali yegulik supermarket perimetrida joylashadi. Shirinliklar, chipslar esa aksincha ichkarida bo‘ladi. Do‘kon bo‘ylab maqsadsiz yurmang, uni aylana bo‘ylab kezib chiqing: kamroq narsa olasiz, shu yo‘l bilan budjetni tejaysiz va zararli mahsulotlarni xarid qilmaysiz.

Siz to‘g‘ri ovqatlanasizmi? Agar yo‘q bo‘lsa, buni istarmidingiz?

Teglar