Ўтган ҳафтанинг энг эътиборли воқеалари

Футбол 10-11-2014

Европа чемпионатларида охирги дам олиш кунлари бир-биридан ғаройиб воқеаларга жуда бой ўтди. Мухлисларни хурсанд қилган ҳолда жамоалар жуда кўп голли ўйинларни намойиш этишди. АПЛ да "Саутгемптон" "Сандерленд"ни 8:0, Ла-Лигада "Реал Мадрид" "Леванте"ни 5:0, Бундеслигада "Бавария" "Вердер"ни 6:0, Шотландияда "Селтик" "Коунтри"ни 6:0 ва Россияда "ЦСКА" "Кубан"ни 6:0 ҳисобларида тор-мор этди. Бундан ташқари ҳам бир талай қизиқ воқеалар рўй бердики, буни қуйидаги рўйхат орқали билиб олишингиз мумкин. 1. Ўтган йилги жароҳатларидан тўла фориғ бўлиб олган Серхио Агуеро ўз голеадорлик қобилиятини намойиш этишни бошлади. У "Манчестер Сити" ва "Тоттенхем" учрашувида "шаҳарликлар"нинг киритган барча 4 голига муаллифлик қилди ва энди АПЛ тўпурарлари рўйхатида Диего Костани таъқиб этишга киришди. Шуниси қизиқки, у бешта гол киритиши ҳам мумкин эди. Лекин, унинг пеналтидан берган зарбасини "шпорлар" дарвозабони Уго Льорис бартараф этишга муваффақ бўлди.

1-Серхио1

2. Сеск Фабрегас "Челси" учун АПЛ ўйинларидаги илк голини урди. У шу кунгача 6 та голли узатмани амалга оширган бўлса-да, ҳали ўзининг голини нишонламаганди. "Челси" "Кристал Пелас"ни қабул қилган ўйинда унинг голи 2:1 ҳисобидаги ғалабани таъминлади ва ўтган мавсум охирида "аристократлар"ни чемпионликдан қилган ушбу жамоадан ўзига хос қасос олинди. 2-Сеск Фабрегас1

3. "Халл Сити" Лондонда "Арсенал" билан ўйинда 2 очко йўқотди. Ўйиннинг сўнгги дақиқаларигача ғалаба қозониб турган меҳмонлар, ҳакам томонидан қўшиб берилган энг охирги дақиқада ўз дарвозаларидан тўп ўтказиб юборишиб, ютуқдан мосуво бўлишди. "Арсенал" нинг иродали дуранги муаллифи эса Денни Уелбек.

3-Уэлбек1

4. "Саутгемптон" ўз уй учрашувларини ўтказадиган "Сент-Меррис" стадионида "Сандерленд"га ўнгланмас зарба берди: саккиз-у нол! Бу ўйинда Душан Тадич битта гол ва тўртта голли узатма муаллифига айланди.

4-Душан Тадич1

5. "Ливерпуль" ва "КПР" баҳсида сўнгги 8 минут ичида мухлислар дарвозаларга 8 та гол киритилишининг гувоҳи бўлишди. Ўйиннинг охирги "саккиз минутлиги" бошлангунига қадар, мерсисайдликлар 1:0 ҳисобида олдинга боришаётган эди. "КПР" мураббийи Харри Реднапп вазиятдан чиқиб кетиш учун чилилик ҳужумчи Варгасни майдонга ташлайди ва у тўпга илк тегинишидаёқ ҳисобни тенглаштиради, 2 дақиқадан сўнг 2 чи голини ҳам уради. Лекин унинг ҳаракатлари охир-оқибат жамоага очко келтирмайдиган бўлди. Чунки, тажрибали "Ливерпуль" футболчилари кейинги дақиқаларда кучли босим уюштириб, яна 2 гол эвазига иродали ғалабага эришишди.

5-Ливерпуль1

6. "Ювентус" илк марта очко йўқотди. Бу воқеа туринликлар "А" серия ауцайдери "Сассуоло" майдонига сафар уюштирган турда рўй берди. Ўйин бошида Пол Погба гол уриша эришган бўлса-да, кейинчалик мезбонлар ҳисобни тенглаштириб, ўйин охиригача шу натижани сақлаб қолишди.

6-Пол Погба1

7. Асосан рақиблар ҳужумини бузишга ихтисослашган Маттиа Дестро эндиликда гол уриш билан шуғулланмоқда. У бу турда ҳам "Рома" учун гол урди ва "Рома" бу турда ҳам 3 очколик бўлди. Энди римликларнинг турнир жадвалида "Ювентус" билан орадаги фарқи 1 очко бўлиб турибди.

7-Маттиа Дестро1

8. Кейсуке Хонда. Бу япониялик айни дамда "Милан"нинг яққол етакчиси. У бу турда "Верона" дарвозасига 2 та гол киритиб, чемпионат тўпурарлари рўйхатида ҳам етакчига айланди.

8-Кейсуке Хонда1

9. Лионель Месси ўзининг Ла-Лига учрашувларидаги 250-голини киритди ва бу борадаги Испания чемпионати рекордчиси Телъмо Саррни қувиб ўтиш арафасида. У яна 2 голдан кейин чемпионатда энг кўп гол урган футболчига айланади.

9-Лионель Месси1

10. Криштиану Роналду "Леванте" дарвозасига 2 та гол ургач, 8 та ўйинда 15 гол урган ягона футболчига айланди. 10-Криштиану Роналду1

11. Дортмунднинг омадсизликлари давом этади. Жамоа навбатдаги турда ҳам "Кёльн"дан 1:2 ҳисобида мағлуб бўлди ва турнир жадвалида 14 чи ўринга тушиб кетди.

11-Дортмунд1

12. "Бавария" "Вердер"ни 6:0 ҳисобида мағлуб этгани ҳайрон қолгулик воқеа эмасдир. Лекин бу голларни 2 тасига қария ҳимоячи Филипп Лам муаллифлик қилганига нима дейсиз?

12-Филипп Лам1

13. "Марсель" нинг ғалабали серияси давом этади. Жамоа "Тулуза"ни 2:0 ҳисобида мағлуб этгач, дарвозабон Стив Манданда ҳам "қуруқ серияси"ни давом эттирмоқда. Мураббий Марсело Бьелса эса, "Тулуза" билан ўйинни майдон четида ўз одатича ўтириб олганча кузатди. Лекин бу сафар у қуйидаги расмда кўрсатилганидек, ўйинни бамайлихотир кофе ичиб томоша қилди.

13-Марсель1

14. Бразилиялик яримҳимоячи Эрнанес "Наполи" билан ўйинда асосий таркибга киритилди ва мураббий ишончини оқлаган ҳолда, жамоани мағлубиятдан қутқариб қолган голни киритиб, уни қуйидагича сальто отиш орқали нишонлади.

14-Эрнанес1



МАҚОЛА МАНЗУР КЕЛГАН БЎЛСА ДЎСТЛАРИНГИЗ БИЛАН ҲАМ БЎЛИШИНГ

МАЗКУР БЎЛИМДАН ЭНГ СЎНГГИ МАҚОЛАЛАР



Изоҳлар

Изоҳингиз учун раҳмат. Тез орада сайт маъмурияти уни кўриб чиқиб, чоп этади.
Изоҳ ёзиш

Биринчилардан бўлиб изоҳ қолдиринг!

Биз сизга дунёнинг гўзаллигини эслатиб турамиз. Ишдан, мактабдан ва кўчадаги бошқа юмушлардан ҳориб уйга қайтганингизда, сизни ҳаётнинг оддий ва одатий ташвишларидан бироз чалғита олсак, ютуғизмиз шудир бизнинг.
Яндекс.Метрика

© 2019 XABARDOR.UZ