Putin sovg‘alari

  • 12:16 / 18.02.2015
  • 8637

Manba Bigpicture, Xabardor.uz tarjimasi. Rossiya Federatsiyasi prezidenti Vladimir Putin Misrga tashrifi chog‘ida mamlakat rahbari Abdul-Fattax as-Sisiga Kalashnikov avtomatini sovg‘a qildi. Bu orqali Putin bir tomondan misrlik hamkasbining harbiy o‘tmishiga hurmat bajo qilgan bo‘lsa, ikkinchi tomondan kelajakdagi Rossiya-Misr munosabatlari istiqboliga ochiqdan-ochiq ishora qildi. Keling, birgalikda Vladimir Putinning xorij liderlari va boshqa mashhur kishilarga taqdim qilgan original sovg‘alarini bir yodga olamiz.

1. Vladimir Putin Misr prezidenti Abdul-Fattax as-Sisiga Kalashnikov avtomatini sovg‘a qilmoqda.

2. Rossiya prezidenti Mir nomli Sibir mushugini Yapon prefekturasi gubernatori Akitaga taqdim qildi. Sal oldin Vladimir Putinga 2011 yil suv toshqini oqibatlarini bartaraf etishda ko‘rsatgan yordamiga minnatdorchilik ramzi sifatida kuchukcha sovg‘a qilgan gubernator mushukka Mir deya nom qo‘ydi.

3. Putin joriy yilning yanvar oyidagi Moskvaga tashrif buyurgan Venesuela prezidenti Nikolas Maduroga Lotin Amerikasi mamlakatlari xaloskori bo‘lgan Simon Bolivar shamshirining ajoyib nusxasini taqdim qildi.

4. OPeKning 2014 yil noyabr oyidagi sammitida Xitoy rahbari Si Tszinpin Rossiya prezidenti qo‘lidan Rossiyaning Yotafon 2 smartfonini oldi.

5. RFKP (Rossiya Federatsiyasining Kommunistik partiyasi) 70 yillik kunida Putin fraksiya yetakchisi Gennadiy Zyuganovga Chapayev haykalchasini sovg‘a qildi.

6. 2013 yilning iyunida Vladimir Putin Germaniya kansleri Angela Merkelga 1894 yili imzolangan Rossiya-Germaniya savdo bitimiga bag‘ishlangan litografiyani topshirdi.

7. Yevgeniy Primakov o‘zining 2014 yildagi yubileyida nodir primus sohibiga aylandi. Bu orqali Putin uning hamkasblari ichida yetakchi o‘rin egallashiga ishora qildi. Lotin tilidan “primus” “birinchi” degan ma'noni anglatadi.

8. Putin Germaniya Federativ Respublikasi kansleri Gerxard Shrederning 2003 yil oktyabrdagi tug‘ilgan kuniga Pavl Bajov ertaklari qahramoni – Asal tog‘i bekasining kumush haykalchasini sovg‘a qildi.

9. 2003 yilning mart oyida bo‘lsa, Putin yozuvchi Sergey Mixalkovning 90 yilligiga shaxsan tashrif buyurib, yozuvchining yoshligida tushgan suratlari to‘plangan foto albomni taqdim qildi.

10. Italiya Vazirlar kengashi boshqaruv raisi Silvio Berluskonining 2002 yil aprel oyidagi Rossiyaga tashrifi chog‘ida, Putin unga Moskvada chop etilgan “Berluskoni Effekti” nomli kitobni taqdim qildi.

O‘qishni tavsiya etamiz:

Davlat rahbarlari kiyishi kerak bo‘lgan kiyimlar

Obama restoranda ovqatlangani uchun pul to‘lay olmaganini so‘zlab berdi

Teglar