Қандай қилиб фарзанд билан мулоқотни тўғри йўлга қўйиш керак?

Психология 28-01-2019

Фарзандингиз билан муносабатларингиз қанчалик яқин ва ўзаро ишончга қурилган? «Ишларинг қалай?», «Мактабда ҳаммаси жойидами?» ва «Тушлик қилдингми?» қабилидаги саволларни айримлар тўлақонли мулоқот санашади.

Бошқача вазият ҳам бўлиши мумкин. Сиз жигарбандингиз билан чин дилдан мулоқот қилиш ва уни тинглашдан мамнунсиз, бироқ у барча диалогларни «илдизи билан кесиб ташлайди».

Фото: Unsplash

Мулоқотни қандай йўлга қўйиш керак?

Майкл Паркер ўзининг «Фарзандлар билан мураккаб мавзулардаги суҳбатлар» китобида ота-оналарга қуйидаги тавсияларни беради.

Бола – муҳокамаларнинг тенг ҳуқуқли иштирокчиси

Болани ўз фикрини баён этиш ва қарорлар қабул қилишда иштирок этадиган тўлақонли суҳбатдошлар қаторига ўтказиш зарур. Оилавий масалаларни ҳал қилаётганда фарзандларнинг сўзига қулоқ солмаслик ҳолатлари қанчалик тез-тез содир бўлади? Кучларнинг бундай тузилиши болани камситади. У жим бўлади ва ўзини қадрсиздек ҳис этади.

Мулоқотни қандай бошлаган маъқул?

Ота-оналар кўпинча болани суҳбатга қандай жалб этишни билишмайди.

Сиз қуйидагиларни амалга оширишингиз мумкин:

Кенг қамровли саволларни шакллантиринг.

Фото: Unsplash

Муқобил фикрни таклиф этинг

Боладан мисол келтириши ва ўз танловини очиб беришини сўранг.

Болага бирор масалада ўзини «билағон» каби ҳис этишга рухсат беринг.

Ҳис этиш чегараларини кенгайтинг: воқеаларни яхши ва ёмон, тўғри ва нотўғрига ажратманг. Вазиятни ҳар томонлама тушунтиринг.

Ғайриоддий саволлар беришга ўргатинг

Механик саволларга ҳатто катталар ҳам механик жавоб беришади. Ғояларингизни шундай шакллантирингки, бола ўз жавобини тўлиқ очиб бера олиш имкониятига эга бўлсин. Уни ҳикоя қилиш ва вазиятни тушунтиришга унданг. «Нима учун?» саволини турли талқинларда тез-тез беринг. 



МАҚОЛА МАНЗУР КЕЛГАН БЎЛСА ДЎСТЛАРИНГИЗ БИЛАН ҲАМ БЎЛИШИНГ

МАЗКУР БЎЛИМДАН ЭНГ СЎНГГИ МАҚОЛАЛАР



Изоҳлар

Изоҳингиз учун раҳмат. Тез орада сайт маъмурияти уни кўриб чиқиб, чоп этади.
Изоҳ ёзиш

Биринчилардан бўлиб изоҳ қолдиринг!

Биз сизга дунёнинг гўзаллигини эслатиб турамиз. Ишдан, мактабдан ва кўчадаги бошқа юмушлардан ҳориб уйга қайтганингизда, сизни ҳаётнинг оддий ва одатий ташвишларидан бироз чалғита олсак, ютуғизмиз шудир бизнинг.
Яндекс.Метрика

© 2019 XABARDOR.UZ