Қойилмақом инновация: Дубайда қуёш нурларини йиғувчи «ақлли гул» очилди

Ихтиролар 3-03-2017

Дубай ҳокимияти биноси қаршисида гулсимон қуёш энергияси генератори ишга тушди. Унинг асосий вазифаси офтоб нурларини тутиб олишга йўналтирилган. 

Ҳокимият бош директори Ҳусайн Носир Лута БААнинг биринчи «ақлли гул»ини (Smartflower) Банияс кўчасида аҳолига намойиш этди. 

Қуёш энергиясини ишлаб чиқарувчи «гул» Dubai Holding раиси ўринбосари ва бошқарувчи директори Аҳмад ибн Баят ва бошқа амалдорлар иштирокида ишга туширилди. 

Австрия фирмаси томонидан яратилган Smartflower ичига датчиклар ўрнатилган новаторлик ва инновацион қуёш панели ҳисобланади. Унинг сенсорлари қуёш нурларини автоматик тарзда назорат қилиш ва тутишга имкон беради. 

Бу эса 23 фоизгача юқори самарадорликни таъминлаб беради. Шунингдек, томлардаги анъанавий қуёш тизимларига нисбатан янги лойиҳа 60 фоиздан ортиқроқ яхши натижа беради.

Бундан ташқари, об-ҳавога мослашиш механизми БААда энг юқори ҳарорат қайд этилган пайтда ҳам оптимал самарадорликни сақлаб беради.

Лутанинг сўзларига кўра, «ақлли гул» ташаббуси Дубай ҳукмдори Муҳаммад ибн Рашид ал-Мақтумнинг «яшил иқтисодиётда инвестиция ва инновация ҳажмини ошириш» бўйича айтган ғояси асосида пайдо бўлди. 

«Энергия ҳақида ўйламаслик, келажак ҳақида қайғурмаслик демакдир», - деган эди шайх Муҳаммад Emirates Energy 2050 стратегиясини йўлга қўйган вақтида. 



МАҚОЛА МАНЗУР КЕЛГАН БЎЛСА ДЎСТЛАРИНГИЗ БИЛАН ҲАМ БЎЛИШИНГ

МАЗКУР БЎЛИМДАН ЭНГ СЎНГГИ МАҚОЛАЛАР



Изоҳлар

Изоҳингиз учун раҳмат. Тез орада сайт маъмурияти уни кўриб чиқиб, чоп этади.
Изоҳ ёзиш

Биринчилардан бўлиб изоҳ қолдиринг!

Биз сизга дунёнинг гўзаллигини эслатиб турамиз. Ишдан, мактабдан ва кўчадаги бошқа юмушлардан ҳориб уйга қайтганингизда, сизни ҳаётнинг оддий ва одатий ташвишларидан бироз чалғита олсак, ютуғизмиз шудир бизнинг.
Яндекс.Метрика

© 2017 XABARDOR.UZ