Saudiya Arabistoni chempionati 16-turi doirasida “Al-Nassr” klubi safarda “Al-Vahda”ni magʻlub etdi.

Makka klubiga qarshi bahsda ilk marta Ronaldu – Masharipov juftligini asosiy tarkibda maydonda harakat qildi. Oʻyinda 38 yoshli portugaliyalik hujumchi poker qayd etdi. Uning 3-goli kiritilgan penaltini Jaloliddin Masharipov ishladi.

Shu tariqa, “Al-Nassr” Ronalduning pokeri evaziga yirik hisobda zafar quchib, 37 ochko bilan peshqadamlikni davom ettirmoqda. Bugungacha 15 ochko jamgʻargan “Al-Vahda” esa 13-oʻrinda bormoqda.

Qayd etish mumkin, Ronaldu bungacha faoliyati davomida 10 marta bir oʻyinda toʻrtta gol urgan: 7 marta La Ligada, bir marta Yevro saralashida, Jahon chempionati saralashida va Chempionlar ligasida (“Malmyo”ga qarshi poker).

Shuningdek, Ronaldu 61 ta xet-trik bilan hozirda faoliyatini davom ettirayotgan futbolchilar orasida yetakchilik qilmoqda. Lionel Messida esa bu koʻrsatkich 56 tani tashkil qiladi.

Saudiya Arabistoni chempionati | 16-tur

“Al-Vahda” – “Al-Nassr” 0:4

Gollar: 0:1 – 21ʼ Ronaldu, 0:2 – 40ʼ Ronaldu, 0:3 – 53ʼ, penalti Ronaldu, 0:4 – 61ʼ Ronaldu.

• Futbol
• Ronaldu