Samolyotda o‘g‘lini tinchlantira olmagan homilador ayolga yordam bergan erkak

  • 18:05 / 14.09.2016
  • 13241

Farzandlar kerak bo‘lmagan paytda qaysarlik qilib, yig‘lashi ko‘p onalarga juda tanish holat. Atrofdagilar esa bu vaziyatni doim ham to‘g‘ri baholavermaydi. Biroq ensa qotirish va aql o‘rgatish o‘rniga vaziyatni o‘z qo‘liga oluvchi insonlar ham topiladi. 

Xuddi shunday voqea Minneapolis — Atlanta reysining yo‘lovchilari bilan ham sodir bo‘ldi. Kichik bolakayning jahli chiqib, arazlay boshladi, uning homilador onasi esa o‘g‘lini ovutish uchun kuch topa olmadi.  Ular otasiz, yaqinlari, do‘stlarisiz uchayotgan edi, shu sababli ayolga ko‘maklashish uchun hech kim yo‘q edi. Biroq ayolning yoniga bir notanish erkak kelib, hech qanday ortiqcha so‘zlarsiz bolakayni ko‘tarib, uni tinchlantira ketdi.  

Erkak o‘zi ham otaligini va shuning uchun yordam berganini aytib o‘tdi.  U bola bilan parvozning so‘ngiga qadar ikki yarim soat birga o‘tirib ketdi va homilador onaga dam olishi uchun biroz vaqt berdi. Yo‘lovchilardan biri bo‘lgan Andrea Berd ismli ayol begona erkak bolakayga xuddi o‘z farzandidek munosabatda bo‘lganidan ta'sirlanganini bildirib o‘tgan. 

U o‘zining Facebook'dagi sahifasida shunday yozadi: «Men yig‘lab yubordim, sababi u bizga bu tartibsiz dunyoda hali ham yaxshi insonlar borligini ko‘rsatib berdi. Bu otaga va dunyodagi barcha shunday otalarga katta rahmat. Biz ularni qadrlashimiz kerak».

Teglar