Sayyoradagi eng ko‘p o‘rganiladigan tillar ma'lum qilindi

  • 08:47 / 16.03.2019
  • 4016

Tilga oid bilimlarni kengaytirishga ixtisoslashgan SIL International tashkiloti tomonidan o‘tkazilgan o‘tgan yildagi tadqiqot natijalari e'lon qilindi. Mutaxassislar odamlar qaysi tillarni ko‘proq o‘rganishlarini aniqlashdi.

Sayyorada eng ko‘p o‘rganiladigan tillar beshligi:

1. Ingliz tili

2. Ispan tili

3. Xitoy tili

4. Italyan tili

5. Fransuz tili.

Agar dastlabki uch til doimiy ravishda barqaror bo‘lsa, 4- va 5-o‘rindagi tillar 2018 yilda bir-biri bilan o‘rin almashdi: italyan tili fransuzchaga qaraganda ommalashdi. 2013-2014 yillar reytingida 1,7 million kishi italyan tilini o‘rganayotgani ma'lum qilingan bo‘lsa,  2014-2015 yillarda esa unga 2 million kishi qiziqqan. 2016 yilda 2,3 million kishi «parlare italiano»ga harakat qilishgan.

Tillar reytingini tuzish oson ish emas. Axir muayyan tilni o‘rganayotgan kishilar sonini aniq sanash imkonsiz va turli statistika agentliklari tomonidan berilgan raqamlar bir-biridan katta farq qilishi mumkin.

Tillar reytingida ingliz tili yetakchilik qilmoqda: unda 1 milliard 190 million kishi so‘zlashadi (aholining 17 foizi). Ikkinchi o‘rinda xitoy tili – 1 milliard 107 million so‘zlashuvchi (15,8 foiz). Uchinchi o‘rinda 697,4 million kishilik ko‘rsatkich bilan hind-urdu. Ona tili soni bo‘yicha esa quyidagicha taqsimlanadi: xitoy tili, ispan tili, ingliz tili.



Teglar