Шаффоф самолётлар

Техника 19-12-2014

Британиядаги “CPI” компанияси йўловчи самолётларидаги иллюминатор (самолётда маҳкам ёпиладиган қалин ойнали туйнук, дарча)ларни олиб ташлашни ва унинг ўрнига панароммали  LED-дисплейларини ўрнатишни таклиф этмоқда.

Ёруғлик диодларига боғланган ингичка матрицалар сабабли самолёт деворлари, шифти ва ўриндиқ ортида атрофдаги борлиқ акс этади. Ва атрофда мавжуд ҳолатни бутунлигича кўриш ва ҳис этиш имконини беради. Панорама ойнаси бир вақтнинг ўзида ахборий панель вазифасини ҳам ўтайди. Бошқача айтганда, у қўшимча реаллик тизими ва ёруғлик манбаси бўлади. Концепция жудаям футуристик, яъни келажакка оид бўлиб кўринсада, ғоя   муаллифлари таъкидлашича, авиакомпанияларнинг қизиқиши ва талабига кўра яқин 10 йиллар ичида ҳам мана шундай “Шаффоф самолётлар” ишлаб чиқилиши мумкин.

Протиплаштириш маркази мутахассислари фикрига кўра, эгилувчан экранларни фойдаланиш эвазига иллюминаторларни бекор қилиш самолёт корпусининг ингичка ва маҳкам бўлишини таъминлайди. Бу эса, самолёт салонига кенг ўриндиқлар ўрнатиш ёки ўтиш йўлларини кенгайтириш, шунингдек, самолёт оғирлигининг камайиши ҳисобига ёқилғи сарфини камайтиришга ҳам олиб келади. 

Оддий иллюминаторлар доим самолётнинг нозик ўрни ва муамммолар маркази бўлиб келган. Хавфсизлик нуқтаи назаридан у кўпқаватли пишиқ ойнадан қилинган. Бундай конструкция товуш тезлигидаги парвозларда қиздириш тизимидан фойдаланишни талаб этади. Акс ҳолда ойна музлаб қолади. Умуман олганда, иллюминаторларнинг мавжудлиги самолётдаги ёқилғи сарфини оширади.

Ундай бўлса иллюминаторларни олиб ташлаб уни сунъий ёритиб қўйиш мумкин эдику, дейсизми? Бироқ дарчаларсиз самолётда учиш психологик муаммолар ҳам келиб чиқаради. Йўловчилар консерва банкада учишга рози бўлмаслиги тайин. Иллюминатор олдида ўтириш болалардан ташқари барча учун энг мақбул ўрин ҳисобланади. 

“CPI”нинг йўловчи самолётларига бўлган янги муносабатини “Technicon Design” Британия компанияси ўз ғоялари билан давом эттирмоқда. Бу модель бизнес-элитага мўлжалланган. Ундаги асосий урғу катта экранлар ёрдамида видеоанжуман ўтказишга қаратилган. Панорамали кўриниш эса интерьерни безовчи белги бўлиб қолсада, одатий авиалайнер рейсларида бу восита асосий кўнгиловловчи ва йўловчиларнинг психологик босимини камайтирувчи восита бўлади.

Бостон “Spike Aerospace” ҳам жорий йил февралда самолётда иллюминаторлар билан бирга дисплейлардан фойдаланилган эди. Аслида ғоялар, фикрлар ўхшаш бўлиб концепция фақат унда деталлари билан фарқ қилади. 

Учта компания ҳам бортда тўғридан тўғри камера эмас,  компьютер қайта ишланган тасвирни узатишни режа қилган. “CPI” вариантида кўпсонли микрокамералар бир-бирини тўлдирувчи суратни беришни режа этган. Қайта ишлашда геометрик ҳолатлар ҳисобга олинади. Шаффоф корпус имкони борича реал кўринишни ҳар бир йўловчига узатишга ҳаракат қилади.

Шаффоф самолётларни яратиш кейинги 10 йилликнинг энг оптимистик прогнозларидан бири. Иллюминаторни дисплейга алмаштириш яқин келажакда амалга ошса, ажаб эмас.



МАҚОЛА МАНЗУР КЕЛГАН БЎЛСА ДЎСТЛАРИНГИЗ БИЛАН ҲАМ БЎЛИШИНГ

МАЗКУР БЎЛИМДАН ЭНГ СЎНГГИ МАҚОЛАЛАР



Изоҳлар

Изоҳингиз учун раҳмат. Тез орада сайт маъмурияти уни кўриб чиқиб, чоп этади.
Изоҳ ёзиш

Биринчилардан бўлиб изоҳ қолдиринг!

Биз сизга дунёнинг гўзаллигини эслатиб турамиз. Ишдан, мактабдан ва кўчадаги бошқа юмушлардан ҳориб уйга қайтганингизда, сизни ҳаётнинг оддий ва одатий ташвишларидан бироз чалғита олсак, ютуғизмиз шудир бизнинг.
Яндекс.Метрика

© 2019 XABARDOR.UZ