Сингапурлик олимлар кераксиз пластик идишларни фойдали аэрогелга айлантириш усулини топишди

Ихтиролар 28-01-2019

Дунёдаги кўплаб илмий жамоалар муҳандислари цивилизациямиз томонидан ишлаб чиқарилаётган катта миқдордаги пластикни қайта ишлашнинг юқори самарали усулини яратиш устида иш олиб боришмоқда. Бу муаммо сайёранинг катта қисмидаги аксарият аҳолининг паст даражадаги экологик масъулияти сабаб тобора жиддий тус оляпти. Чиқиндиларни йиғиш ва уларни қайта ишлагандан кўра углеводород хомашёдан ПЭТ-материалларнинг янги партиясини ҳосил қилиш анча осон.

Афсуски, эколог ва фаолларнинг барча саъй-ҳаракатларига қарамай, ҳосил бўлаётган пластик чиқиндиларнинг миқдори ҳар йили тобора ортиб боряпти. Қайта ишланаётган пластик кўрсаткичлари эса анча паст. Сингапурлик олимлар бу муаммога аъло даражадаги ечимни таклиф этишмоқда. У кераксиз пластик идишлардан аэрогель олиш имконини беради.

Аэрогель гелнинг махсус тури бўлиб, унда газсимон фаза суюқ фаза ўрнини тўлиқ эгаллайди. Бу материалнинг 50 фоиздан ортиғи бўшлиқлардан иборат бўлиб, жуда паст зичлик ва иссиқлик ўтказиш кўрсаткичи ва нам тортиш хусусиятига эга. Физик хусусиятларнинг ана шундай бирикмаси туфайли аэрогеллар фильтр қатлами, чангни ютиш, турли конструкцияларнинг иссиқлик ўтказиш қисмлари сифатида қўлланилади. Улар суперконденсатор ва бошқа ғаройиб қурилмаларни ишлаб чиқаришда қўлланилади.

Сингапур Миллий университети мутахассислари фойдаланилган ПЭТ-идишлардан арзон ва кенг тарқалган кремний диоксиди ёрдамида аэрогель ишлаб чиқаришни таклиф этишмоқда. Бу материал билан пластик идишлардан олинадиган полиэтилентерефталат толаларига ишлов берилгач, ПЭТ-аэрогель номли янги материал ҳосил қилинади. Аэрогелнинг бу турини хилма-хил кимёвий моддалар билан тўлдириш ва материалнинг янги хусусиятларини ҳосил қилиш мумкин. Олимлар янги маҳсулот ёнғинга чидамли,  заҳарли газлардан ҳимоя қилувчи махсус кийимлар, ниқоблар, нефт тўкилганидан кейин унинг ёғсимон доғларини ўзига сингдирадиган материал ва бошқа кўплаб нарсаларни ишлаб чиқаришда асқотишига ишонишмоқда.



МАҚОЛА МАНЗУР КЕЛГАН БЎЛСА ДЎСТЛАРИНГИЗ БИЛАН ҲАМ БЎЛИШИНГ

МАЗКУР БЎЛИМДАН ЭНГ СЎНГГИ МАҚОЛАЛАР



Изоҳлар

Изоҳингиз учун раҳмат. Тез орада сайт маъмурияти уни кўриб чиқиб, чоп этади.
Изоҳ ёзиш

Биринчилардан бўлиб изоҳ қолдиринг!

Биз сизга дунёнинг гўзаллигини эслатиб турамиз. Ишдан, мактабдан ва кўчадаги бошқа юмушлардан ҳориб уйга қайтганингизда, сизни ҳаётнинг оддий ва одатий ташвишларидан бироз чалғита олсак, ютуғизмиз шудир бизнинг.
Яндекс.Метрика

© 2019 XABARDOR.UZ