Siz ham eslaysizmi? Yoxud buvam ishlatgan buyumlar...

  • 11:38 / 07.01.2015
  • 4364

“Buran” qordayurari. 

Qorda yuruvchi eng mustahkam transport modeli. Uni Elbrus va Pomirning qorli qiyaliklarida, Antarktidaning ayozli cho‘llarida, Shimoliy qutbning uch oqimida sinab ko‘rishgan. Uning nomi rus shimolidagi turdosh joy nomidan olingan. Ancha yillar “Buran”ga teng keladigan raqobatchi topilmadi. Mashina chidamli, og‘ir, uzoq masofalarga ham bemalol boradigan imkoniyatga ega edi. “Buran” o‘ttiz yil oldin qanday bo‘lsa shundayligicha qolgandi: motor suyuqlik bilan sovutiladi, amortizatorlari havo bosimi vositasida ishlaydi.

Elektronika VM-12.

O‘z vaqtida katta shov-shuvga sabab bo‘lgan, VHS formatida ishlaydigan bu videomagnitafon o‘zining uzoq “qarindosh”i bo‘lmish “Panasonic NV-2000” prototipi asosida ishlab chiqarilgan. Kasseta uning tepasidan tiqilgan, sakkiz kanalli o‘rta to‘lqin qabul qiluvchi (SVP) tyunerga, tsifrli vaqt ko‘rsatgichiga hamda kasseta lentalarini hisoblovchi mexanik qurilmaga ega bo‘lgan. Uning narxi o‘sha paytlarda 1200 rublga teng bo‘lgan. Shundoq bo‘lsada uni harid qilish uchun uzun navbatga turishga to‘g‘ri kelgan.

GAZ-24 “Volga” avtomobili.

Bu mashina 1968 yildan 1994 yilga qadar Gorkiy avtomobil zavodida ishlab chiqarilgan. Bu zavodda Gaz-24 dan tashqari Gaz-24-10 modeli ham tayyorlangan. Gaz-24 ning dizayni 60-,70-yillar uchun standart hisoblangan. Umumiy ko‘rinish bo‘yicha Amerika avtomobillariga o‘xshasa, ayrim texnik detallari esa Yevropada ishlab chiqarilayotgan avtomobillar bilan uyg‘unlashib ketgan. 70-yillardan boshlab Shimoliy Amerika hamda yer yuzining boshqa rivojlangan davlatlari uchun eksport qilingan.

“Zvezda-54” radiopriyomnigi.

Bu radiopriyomnik 1954 yilda Xarkovdagi “Kommunar” zavodi hamda Moskvadagi “Mospribor” zavodlarida ishlab chiqarilgan. Bu zavodlarda jami 674 ming dona “Zvezda-54” radiopriyomnigi tayyorlangan. 1954 yilning so‘ngiga kelib, unga bir-ikkita o‘zgartirishlar kiritilgan: umumiy ko‘rinishi vertikal kengaytirilgan, uni bo‘yashda qizil va yashil ranglardan foydalanilgan.

Bugungi kunda bu texnika vositasi kolleksionerlar xazinasidagi eng qimmat buyumlardan biri hisoblanadi.

“VEF-Spidola” radiopriyomnigi.

Bu radiopriyomnikning yigirma yil davomida to‘rt avlodini chiqarishga muvaffaq bo‘lingan. Uning nomlanishi “Lachplesis” poemasida uchraydigan alvasti nomi bilan bog‘liq.

“Alyonka” shokoladi.

1960 yili fotograf Aleksandr Gerinas o‘zining sakkiz oylik qizchasi Lenani suratga oladi. Qisiq ko‘zli, ro‘mol bilan o‘rab qo‘yilgan qizchaning surati dastlab “Sovetskiy foto” jurnalida, so‘ngra 1962 yilda “Zdorove” jurnalining birinchi sonida, muqovada bosilib chiqadi.

Oradan to‘rt yil o‘tib, qizchaning surati “Alyona” nomi ostida chiqarilayotgan shokolad qog‘ozida paydo bo‘ladi.

“Stol lampasi”.

1970 yilda arxitektor Mixail Olenev energiya tejovchi va bashang ko‘rinishga ega chiroq turini ixtiro qiladi hamda uni soddagina qilib “Stol lampasi” deb ataydi.

“Dva myacha” kedalari.

Bu mahsulot turi 1957 yilda Sobiq Ittifoqida bo‘lib o‘tgan oltinchi umumjahon yoshlar va talabalar festivalida juda keng tarqaladi. 60-yillarga kelib barcha turdagi cheshka hamda sandallarni iste'moldan siqib chiqaradi. Bundan tashqari poyafzallar orasida birinchi bo‘lib “Rezin tekstilli sport poyafzali” sifatida GOST № 9155 sertifikatini qo‘lga kiritadi.

“Saturn-2” changyutgichi.

Bu changyutgich nafaqat havo so‘rish imkoniyatiga ega bo‘lgan, balki u havo purkagan ham. Shu sababli ham u bo‘yoqchilarning eng sevimli va qulay ish qurollaridan biriga aylangan.

V-72 “Orlyonok” velosipedi.

U o‘rta hajmga ega bo‘lgan, ikki oyoqli, 7 yoshdan 14 yoshgacha bo‘lgan o‘smirlar uchun maxsus ishlab chiqarilgan. Uning tarixi 1950 yilga, Minsk zavodiga borib taqaladi. Shu yilda ushbu zavoddan ikki xil velosiped turi ishlab chiqariladi. Biri o‘smirlarga mo‘ljallangan “Orlyonok” bo‘lsa ikkinchisi yoshi kattalar uchun tayyorlangan “Veterok” velosipedlaridir.

Teglar