Sizni muvaffaqiyatli kishiga aylantiradigan 11 ta odat

  • 20:51 / 12.02.2019
  • 6363

Bariga turli tomonlardan nazar soling, ana o‘shanda istagan narsangizga erishish o‘ylaganingizdan oson ekanini anglaysiz.

1. Oldingizga ulkan maqsadlar qo‘ying

Orzularga erishish oson, agar ular:

Ichki rag‘bat bilan asoslantirilgan bo‘lsa. Napoleon Xill shunday degan: «Xohish har qanday yutuqning asosiy nuqtasi».

Yetarli darajada murakkab. Aks holda ishtiyoq bermaydi.

Vaqt jihatidan chegaralangan. Muddat sun'iy cheklovlarni olib tashlash va ijodiy fikrlashga undaydi.

Istagan narsamizga erishamiz. Hayotingizda rivojlanish mavjud emasligiga bahona va sabablar izlashni yoqtirsangiz, u holda hozirgi holatingizni afzal ko‘rishingizni tan oling. O‘z-o‘zingizni qabul qilish tinchlanishga yordam beradi. Agar qulaylikka qaraganda ko‘proq rivojlanishga intilsangiz, yo‘ldagi to‘siqlari sizni to‘xtatmaydi, olg‘a harakatlantiradi.

2. Ongingizni dasturlang

Tetik bo‘lganimizda ongimiz va ong osti bir-biri bilan o‘zaro mojaro holatida bo‘ladi. Masalan, optimist bo‘lishni istaysiz, biroq ongsiz ravishda o‘zingizni pessimist kabi tutasiz. Shunga qaramay, o‘zingizni dasturlashingiz mumkin. Uxlash vaqtida kunlik beta-to‘lqinlar alfa-to‘lqinlarga, keyin esa delta-sur'atlarga o‘zgaradi. Teta-sur'at orasida miya sezuvchan bo‘ladi, ana o‘shanda ong osti qoliplaringizni qayta o‘zgartirishingiz mumkin. Tomas Edison: «Ong ostidan biron nimani so‘ramasdan uyquga ketmang» deya bejiz aytmagan.

Uxlashdan avval erishmoqchi bo‘lgan narsalarni ko‘z oldingizga keltiring va ovoz chiqarib ayting. Tasavvur qilish hissiy tajriba olishda yordam beradi. Maqsadga erishish qanday bo‘lishini his etishingiz lozim.

Ong ostini ana shu tarzda dasturlasangiz, kun davomida maqsadingiz bilan bog‘liq o‘y va g‘oyalar paydo bo‘ladi. Ularni albatta qayd eting va darhol harakatga keltirishga intiling. Agar ongning bu kabi yordamlariga befarq bo‘lsangiz, u sizga g‘aroyib g‘oyalarni taklif etmay qo‘yadi.

3. Noodatiy sharoitlarda o‘rganing va ishlang

1905 yilda Eynshteyn zamonaviy fizika va makon, vaqt va materiya borasidagi fikrlarimizni o‘zgartirib yuborgan to‘rtta ilmiy maqolasini e'lon qildi. Qiziqarlisi, ularni fizika laboratoriyasi yoki o‘z xonasida emas, Shveytsariya patentlar byurosida yozgan. Bunday sharoitda ishlash unga laboratoriya usullarida qotib qolmaslik imkonini bergan.

Ish sharoitingiz faoliyatingizdan o‘zgacha bo‘lsa, kutilmagan xulosalarga ega bo‘lishingiz, turli sohalardagi g‘oyalardan foydalanishingiz mumkin bo‘ladi.

O‘zgalar o‘qiyotgan narsani o‘qisangiz, ular kabi o‘ylaysiz. Hamma kabi o‘ylasangiz, yangi va g‘aroyib narsalarni ixtiro qilolmaysiz. Qiziquvchan bo‘ling. Ko‘pchilikka ma'lum bo‘lmagan manbalarni izlang, o‘zgalar o‘rganmagan narsalarni o‘rganing. Ana o‘shanda asarlaringiz, mehnatingiz mahsuli boshqalar uchun haqiqatan ham qiziq bo‘ladi.

4. Muvaffaqiyatga erishganlarning (natijalariga emas) boshdan o‘tkazgan jarayonlariga e'tibor bering

Agar biror sohada mukammallikka erishishni istasangiz, unda muvaffaqiyatga erishgan kishilarni kuzating. Biroq mehnatining natijalariga emas, nimani qanday amalga oshirishlariga e'tibor bering. Ana o‘shanda o‘zingiz ham ko‘p narsaga erishishingiz mumkinligini anglaysiz. Axir muvaffaqiyatga erishish jarayoni, ya'ni xulq-atvoringiz faqat sizga bog‘liq. Agar faqat o‘zgalarning natijalari haqida o‘ylasangiz, aksincha chekinish istagi paydo bo‘ladi.

Muvaffaqiyatli kishilarning ishlash usullarini o‘rganib ularni detallarigacha takrorlashga intilmang.

Har kimning o‘z shaxsiy strategiyasi bor. Yana muvaffaqiyatli kishilar ham biror nimada adashishlari mumkin. Ularning siz uchun asqotadigan xulq-atvor modellarini aniqlang. Ularni o‘zlashtirib, ushbu modellarni kengaytiring va chuqurlashtiring. Ana o‘shanda o‘zingiz faxrlanadigan kishilardan o‘zib ketasiz.

5. Eng samarali harakatlarni avtomatik ko‘rinishga keltiring

Biror yangi narsani o‘rganish xotira va undan qanday foydalanishga bog‘liq. Dastlab old qobiq harakat qanday bajarilishini tushunadi. Biroq ma'lumot o‘zlashtirilgach, u deyarli 90 foizga bo‘shaydi. Endi bu harakatni avtomatik tarzda bajarasiz, miya esa boshqa narsaga diqqatni qaratadi.

6. Amaliyotda o‘rganing

Biz dastlab nazariyani o‘zlashtirish, undan keyin amaliyotga o‘tish kerakligiga odatlanganmiz. Biror narsani harakat jarayonida o‘rgangan yaxshi. Bunday yondashuv kontekstga yo‘naltirilgan o‘rganish deb ataladi. Uning asosiy tamoyillari quyidagilar:

  • konsepsiyani eng sodda shaklda o‘rganing;
  • bu asosiy bilimlarni real vaziyatlarda qo‘llang;
  • maslahat va javob aloqasini olishga harakat qiling (u ko‘pincha «mag‘lubiyat» ko‘rinishida namoyon bo‘ladi);
  • olingan tanqidni amaliyotda qo‘llang;
  • yana javob aloqasini oling;
  • mahoratga erishguncha takrorlang.

7. Dastlab sifatga emas, miqdorga e'tibor bering

Yetuk kishilar ishlab chiqargan hamma narsa ham sifat jihatidan kamchiliksiz bo‘lmaydi. Pikasso minglab san'at asarlarini yaratgan. Biroq faqat ayrimlarigina durdona asarlar sanaladi. Eynshteyn 248 ta ilmiy maqola chop ettirgan, biroq ulardan bir nechtasigina unga mashhurlik olib kelgan.

Miqdor – sifat sari yo‘l. Qancha ko‘p ishlab chiqarsangiz, sizda shuncha ko‘p g‘oya paydo bo‘ladi. Ulardan ayrimlari betakror va novatorlik g‘oyalari bo‘lib chiqishi mumkin.

8. Natijalaringizni kuzatib boring

Biror narsada yaxshiroq bo‘lishni istasangiz, o‘z ko‘rsatkichlaringizni o‘lchang. Aks holda muvaffaqiyatlaringiz qanday ekanini bilmaysiz. Natijalarni kuzatish va o‘lchash kuchsiz jihatlaringizni ko‘rish va obektiv baholashda yordam beradi. Nimaga diqqat qaratish lozimligini tushunasiz va ushbu yo‘nalishda tizimli rivojlanasiz.

9. Sizdan o‘zingizga qaraganda ko‘prog‘ini kutadigan ustoz toping

Atrofdagilarning umidlari hayotda erishadigan narsalarimizga kuchli ta'sir ko‘rsatadi. Bolalikda yutuqlarimiz chegarasini ota-onamiz belgilab beradi. Ular keyinchalik yengish mushkul bo‘lgan, ko‘rinmas chegara hosil qiladi.

Shunga qaramay, ular imkonli. Inson doimiy ravishda rivojlanish va moslashish imkoniga ega. Albatta, o‘sish va o‘zgarish mushkul, ayrim hollarda hatto yoqimsiz ham. Biroq agar yengilmasangiz, doimiy ravishda ko‘rinmas to‘siqlardan o‘tasiz. Shuning uchun ham o‘zimizni bizdan ko‘proq narsa kutadigan insonlar bilan qurshab olish muhim.

10. Yodda tuting, siz rivojlanasiz va doim bir ustoz bilan ishlay olmaysiz

Ustoz sizga muayyan bilim va ko‘nikmalar to‘plamini o‘rgatadi. Agar yanada rivojlanishni istasangiz, sizga yangi ustoz kerak bo‘ladi. Yaxshi yo‘l ko‘rsatuvchi buni tushunadi va o‘zi ham shunga harakat qiladi. Sizga o‘rgatish orqali o‘z bilimlarini sizga beradi.

Biroq ustozlaringiz mehnatini tan olishni unutmang. Siz nafaqat o‘zingiz, balki ularning yordami sabab muvaffaqiyatga erishdingiz. Ular haqida hech qachon yomon so‘z aytmang.

11. Moslashuvchan tarzda fikrlang

Odamlar atrofdagi barcha narsalarni tasniflashadi. Natijada o‘zlari yaratgan tasniflar qopqoniga tushib qolishadi. Agar bariga faqat bir tomondan yondashilsa, imkoniyatlaringiz cheklangandek tuyulaveradi. Biroq intilganlaringizning bari qo‘lingiz yetmaydigan joyda. Buning uchun narsalarga nisbatan yondashuvni o‘zgartirish kerak.

Eng yomoni, o‘zingizni cheklangan odam sifatida qabul qilish. Oldindan shakllangan fikr va tasniflar siz va xulq-atvoringizni belgilashiga yo‘l qo‘ymang. Narsalarga turlicha nazar soling va moslashuvchanlik bilan fikrlang. Ana o‘shanda imkoniyatlaringiz cheksiz bo‘ladi.

Teglar