Сочлар чиройли кўриниши учун нима истеъмол қилиш керак?

Саломатлик 2-10-2018

Гўзаллик аввал одамнинг ичида пайдо бўлади. Бу айниқса сочлар ялтираши, соғлом ва яхши ўсишига тегишли. Бундай натижага эришиш учун рационга қандай маҳсулотларни киритиш кераклиги ҳақида айтиб берамиз.

Фото: Pixabay

Қовоқ уруғи ва кунжут

Ҳар икки маҳсулот таркибида цинк бор. Бу микроэлемент соч тўкилмаслиги учун зарур. Бундан ташқари, цинкнинг етишмаслиги ҳатто сочлар тўкилишига олиб келади. Қовоқ уруғининг ўзини ёки салатлар, крем-шўрваларга қўшган ҳолда истеъмол қилиш мумкин. Кунжутни эса товуққа зиравор сифатида қўшиш мумкин. У янада тотли бўлиши учун уни қуруқ товада 2-3дақиқа қовуриб олинг.

Нон кепаги

Юқори навли ун ишлаб чиқарилаётганида дон қобиғи кўринишидаги чиқиндилар қолади. Бу кепак. Ўзининг эстетик бўлмаган келиб чиқишига қарамай, у организм учун жуда  фойдали. Унинг таркибида сочлар саломатлиги ва  гўзаллиги учун зарур бўлган В витаминлар  гуруҳи бор. Бундан ташқари, кепак организмни аъло даражада тозалайди. Уни ичимликларга қўшиш, нон тайёрлаш мумкин. У нафақат буғдой, балки сулиники бўлиши ҳам мумкин.

Фото: Pixabay

Банан

Бананларда кепакда бўлгани каби В гуруҳи витаминлари, жумладан В7 — биотин ҳам бўлади. Улар яна кайфиятни кўтаради ва истеъмол учун ёқимли. Уларни шу ҳолича истеъмол қилинг ёки смузи тайёрланг.

Жигар

Кўпчилик бу маҳсулотни хуш кўрмайди. Аёлларда темир етишмовчилиги кўп кузатилади. Айнан шу сабабли сочлар тўкилиши ёки нурсиз бўлиши мумкин. Жигар эса осон ҳазм бўладиган темир манбаи. Агар сизга мол жигари таъми ёқмаса, у ҳолда товуқ жигарини татиб кўринг: у тез таёр бўлади. Уни сувда пиширилган гречка билан биргаликда истеъмол қилинг. Ана ўшанда организм учун темирнинг катта миқдори кафолатланади. Айтганча, жигарда яна оқсил миқдори ҳам кўп. У эса сочлар учун ҳам зарурий қурилиш материали.

Фото: Pixabay

Тухум

Биринчидан, унинг таркибида оқсил ва ёғларнинг оптимал миқдори бор. Бу эса тухумни соғлом рационнинг зарурий қисмига айлантиради. Бундан ташқари,  тухум таркибида А, Д, Е, В гуруҳи витаминлар мавжуд.



МАҚОЛА МАНЗУР КЕЛГАН БЎЛСА ДЎСТЛАРИНГИЗ БИЛАН ҲАМ БЎЛИШИНГ

МАЗКУР БЎЛИМДАН ЭНГ СЎНГГИ МАҚОЛАЛАР



Изоҳлар

Изоҳингиз учун раҳмат. Тез орада сайт маъмурияти уни кўриб чиқиб, чоп этади.
Изоҳ ёзиш

Биринчилардан бўлиб изоҳ қолдиринг!

Биз сизга дунёнинг гўзаллигини эслатиб турамиз. Ишдан, мактабдан ва кўчадаги бошқа юмушлардан ҳориб уйга қайтганингизда, сизни ҳаётнинг оддий ва одатий ташвишларидан бироз чалғита олсак, ютуғизмиз шудир бизнинг.
Яндекс.Метрика

© 2018 XABARDOR.UZ